ਕਰਤਾਰਪੁਰ 6 ਜੁਲਾਈ( ਜਸਵੰਤ ਵਰਮਾ ) ਸ਼੍ਰੋਮਣੀ ਗੁਰਦੁਵਾਰਾ ਪ੍ਰਬੰਧਕ ਕਮੇਟੀ, ਸ੍ਰੀ ਅੰਮ੍ਰਿਤਸਰ ਸਾਹਿਬ ਦੇ ਅਧੀਨ ਚਲ ਰਹੇ ਸ੍ਰੀ ਗੁਰੂ ਅਰਜਨ ਦੇਵ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ, ਕਰਤਾਰਪੁਰ, ਜਿਲ੍ਹਾ ਜਲੰਧਰ ਵਿਖੇ ਅੱਜ ਪ੍ਰਿੰਸੀਪਲ ਸ. ਬਿਕਰਮਜੀਤ ਸਿੰਘ ਦੀ ਦੇਖਰੇਖ ਵਿੱਚ ਵਣ- ਮਹਾਂਉਤਸਵ ਮਨਾਇਆ ਗਿਆ | ਸਭ ਤੋਂ ਪਹਿਲਾਂ ਸਵੇਰ ਦੀ ਸਭਾ ਵਿੱਚ ਬੱਚਿਆਂ ਨੇ ਵਣ ਮਹਾਂ ਉਤਸਵ ਦੇ ਸੰਬੰਧ ਵਿੱਚ ਕਵਿਤਾ ਅਤੇ ਟੌਪਿਕ ਪੇਸ਼ ਕੀਤੇ | ਉਪਰੰਤ ਪ੍ਰਿੰਸੀਪਲ ਸਾਹਿਬ ਨੇ ਦੱਸਿਆ ਕਿ ਵਣ ਮਹਾਂਉਤਸਵ ਜੰਗਲਾਤ ਤੇ ਬੂਟੇ ਲਗਾਉਣ ਦਾ ਤਿਓਹਾਰ ਹੈ, ਇਹ ਤਿਓਹਾਰ ਸਾਲ ਬਾਅਦ ਜੁਲਾਈ ਦੇ ਪਹਿਲੇ ਹਫਤੇ ਪੂਰੇ ਭਾਰਤ ਵਿੱਚ ਮਨਾਇਆ ਜਾਂਦਾ ਹੈ, ਇਸਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਰੁੱਖ, ਬੂਟਿਆਂ, ਸ਼ੁੱਧ ਵਾਤਾਵਰਨ ਦੀ ਜੀਵਨ ਵਿੱਚ ਮਹੱਤਤਾ ਬਾਰੇ ਚਾਨਣਾ ਪਾਉਣਾ ਹੈ,
ਪ੍ਰਿੰਸੀਪਲ ਸਾਹਿਬ ਨੇ ਕਿਹਾ ਕਿ ਰੁੱਖ ਲਗਾਉਣ ਜਗ੍ਹਾ ਵੀ ਸਹੀ ਹੋਣੀ ਚਾਹੀਦੀ ਹੈ ਕਈ ਲੋਕ ਰੁੱਖ ਸੜਕਾਂ ਦੇ ਬਿਲਕੁਲ ਕੋਲ ਹੀ ਲਗਾ ਦਿੰਦੇ ਹਨ ਜਿਸ ਨਾਲ ਦੁਰਘਟਨਾ ਵੀ ਹੋ ਸਕਦੀ ਹੈ, ਰੁੱਖ ਵੀ ਓਨੇ ਹੀ ਲਗਾਓ ਜਿਨ੍ਹਾਂ ਤੁਸੀਂ ਪਾਣੀ ਵੀ ਦੇ ਸਕੋ, ਰੁੱਖਾਂ ਦੀ ਸਾਂਭ ਸੰਭਾਲ ਵੀ ਜਰੂਰੀ ਹੈ |ਬਾਅਦ ਦੁਪਹਿਰ ਜਮਾਤ ਤੀਜੀ ਤੋਂ ਲੈ ਕੇ ਜਮਾਤ ਬਾਹਰਵੀਂ ਤਕ ਦੇ ਬੱਚਿਆਂ ਨੇ ਸਕੂਲ ਵਿਖੇ ਬੂਟੇ ਲਗਾਏ ਅਤੇ ਕੁਝ ਬੱਚਿਆਂ ਨੇ ਘਰ ਤੋਂ ਗਮਲੇ ਵਿੱਚ ਬੂਟੇ ਲਗਾ ਕੇ ਸਕੂਲ ਨੂੰ ਦਿੱਤੇ |ਜਮਾਤ ਛੇਵੀਂ ਤੋਂ ਜਮਾਤ ਅੱਠਵੀਂ ਤਕ ਦੇ ਬੱਚਿਆਂ ਨੇ ਸਲੋਗਨ ਰਾਈਟਿੰਗ ਅਤੇ ਜਮਾਤ ਨੌਵੀਂ ਤੋਂ ਜਮਾਤ ਬਾਹਰਵੀਂ ਤਕ ਦੇ ਬੱਚਿਆਂ ਨੇ ਪੋਸਟਰ ਮੇਕਿੰਗ ਮੁਕਾਬਲੇ ਵਿੱਚ ਹਿੱਸਾ ਲਿਆ, ਇਹ ਮੁਕਾਬਲੇ ਚਾਰੇ ਹਾਉਸਾਂ (ਸ. ਸ਼ਾਮ ਸਿੰਘ ਅਟਾਰੀ ਹਾਊਸ,ਸ ਹਰੀ ਸਿੰਘ ਨਲਵਾ ਹਾਊਸ,ਸ਼ਹੀਦ ਊਧਮ ਸਿੰਘ ਹਾਊਸ,ਸ਼ਹੀਦ ਭਗਤ ਸਿੰਘ ਹਾਊਸ ) ਦਰਮਿਆਨ ਕਰਵਾਇਆ ਗਿਆ |
ਸਾਰੇ ਹੀ ਬੱਚਿਆਂ ਨੇ ਪੂਰੀ ਲਗਨ ਨਾਲ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕੀਤਾ | ਸਲੋਗਨ ਰਾਈਟਿੰਗ (ਅੰਗਰੇਜ਼ੀ) ਵਿੱਚ ਪਹਿਲੇ ਹਾਊਸ ਦੇ ਗੁਰਜੋਤ ਸਿੰਘ ਨੇ ਪਹਿਲਾ ਸਥਾਨ, ਦੂਜੇ ਹਾਊਸ ਦੀ ਤਨਵੀਰ ਕੌਰ ਨੇ ਦੂਜਾ ਸਥਾਨ, ਚੌਥੇ ਹਾਊਸ ਦੀ ਪਰਮੀਤ ਕੌਰ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ |ਸਲੋਗਨ ਰਾਈਟਿੰਗ (ਪੰਜਾਬੀ) ਵਿੱਚ ਦੂਜੇ ਹਾਊਸ ਦੀ ਜਸਕੀਰਤ ਕੌਰ ਨੇ ਪਹਿਲਾ ਸਥਾਨ, ਤੀਜੇ ਹਾਊਸ ਦੇ ਸਮਰ ਸਿੰਘ ਨੇ ਦੂਜਾ ਸਥਾਨ, ਪਹਿਲੇ ਹਾਊਸ ਦੀ ਅੰਮ੍ਰਿਤਪਾਲ ਕੌਰ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਪੋਸਟਰ ਮੇਕਿੰਗ ਵਿੱਚ ਚੌਥੇ ਹਾਊਸ ਦੀ ਖੁਸ਼ਪ੍ਰੀਤ ਕੌਰ ਨੇ ਪਹਿਲਾ, ਤੀਜੇ ਹਾਊਸ ਦੀ ਰਾਜਪ੍ਰੀਤ ਕੌਰ ਨੇ ਦੂਜਾ ਅਤੇ ਤੀਜੇ ਹਾਊਸ ਦੀ ਖੁਸਪ੍ਰੀਤ ਕੌਰ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ |
ਜੇਤੂ ਬੱਚਿਆਂ ਵੱਲੋਂ ਪ੍ਰਿੰਸੀਪਲ ਸ. ਬਿਕਰਮਜੀਤ ਸਿੰਘ ਵੱਲੋਂ ਸਰਟੀਫਿਕੇਟ ਅਤੇ ਮੈਡਲ ਦੇ ਕੇ ਸਨਮਾਨਿਤ ਕੀਤਾ ਗਿਆ|ਇਸ ਮੌਕੇ ਮੈਡਮ ਅਮਨਦੀਪ ਕੌਰ, ਮੈਡਮ ਪੂਨਮ ਸ਼ਰਮਾ (ਅੰਗਰੇਜ਼ੀ ਵਿਭਾਗ), ਡਾ. ਮਨਿੰਦਰ ਕੌਰ,ਸ.ਜਗਤਾਰ ਸਿੰਘ ਸਰਾਏ, ਮੈਡਮ ਗਗਨਪ੍ਰੀਤ ਕੌਰ ਮੈਡਮ ਪੂਨਮ ਸ਼ਰਮਾ (ਪੰਜਾਬੀ ਵਿਭਾਗ ),ਮੈਡਮ ਮਨਪ੍ਰੀਤ ਕੌਰ,ਸ.ਮਨਿੰਦਰ ਸਿੰਘ,ਮੈਡਮ ਨਵਨੀਤ ਕੌਰ, ਮੈਡਮ ਰਵਿੰਦਰ ਕੌਰ,ਮੈਡਮ ਸੁਮਨਦੀਪ ਕੌਰ, ਮੈਡਮ ਪਿੰਕੀ,ਮੈਡਮ ਸਰਬਜੀਤ ਕੌਰ,ਮੈਡਮ ਚੰਦਨਪ੍ਰੀਤ ਕੌਰ,ਮੈਡਮ ਕਮਲਜੀਤ ਕੌਰ, ਮੈਡਮ ਸਤਪ੍ਰੀਤ ਕੌਰ ਅਤੇ ਸਮੂਹ ਸਟਾਫ ਹਾਜ਼ਰ ਸੀ |
