ਕਪੂਰਥਲਾ 13 ਅਕਤੂਬਰ ( ਗੌਰਵ ਮੜੀਆ ) ਹਰ ਐਤਵਾਰ ਦੀ ਤਰ੍ਹਾਂ ਇਸ ਵਾਰ ਫਿਰ ਦ ਓਪਨ ਡੋਰ ਚਰਚ ਖੋਜੇਵਾਲਾ ਵਿੱਚ ਇੱਕ ਬਹੁਤ ਹੀ ਪ੍ਰਭਾਵਸ਼ਾਲੀ ਪ੍ਰਾਰਥਨਾ ਸਭਾ ਹੋਈ। ਜਿਸ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸੰਗਤਾਂ ਨੇ ਹਾਜਰੀ ਭਰ ਕੇ ਆਪਣੇ ਪਾਪਾਂ ਗੁਨਾਹਾਂ ਤੋਂ ਪ੍ਰਭੂ ਯਿਸੂ ਮਸੀਹ ਜੀ ਦੇ ਨਾਮ ਵਿੱਚ ਤੌਬਾ ਕਰਕੇ ਆਪਣੇ ਜੀਵਨ ਵਿੱਚ ਆਨੰਦ ਭਰੀ ਆਜ਼ਾਦੀ ਨੂੰ ਪ੍ਰਾਪਤ ਕੀਤਾ। ਪ੍ਰਾਰਥਨਾ ਸਭਾ ਦੇ ਆਰੰਭ ਵਿੱਚ ਦ ਓਪਨ ਡੋਰ ਚਰਚ ਦੀ ਵਰਸ਼ਿਪ ਟੀਮ ਨੇ ਪ੍ਰਭੂ ਪਿਆਰ ਵਿੱਚ ਭਿਜੇ ਗੀਤ ਭਜਨ ਗਾ ਕੇ ਸੰਗਤਾਂ ਨੂੰ ਮੰਤਰ ਮੁਗਧ ਕਰ ਦਿੱਤਾ।
ਉਪਰੰਤ ਕੁਝ ਸੰਗਤਾਂ ਨੇ ਜਿਨਾਂ ਦੀ ਜ਼ਿੰਦਗੀ ਵਿੱਚ ਪ੍ਰਾਰਥਨਾ ਦੁਆਰਾ ਪਰਮੇਸ਼ਵਰ ਜੀ ਨੇ ਅਦਭੁਤ ਕੰਮ ਕੀਤੇ ਉਹਨਾਂ ਨੇ ਗਵਾਹੀ ਦੇ ਰੂਪ ਵਿੱਚ ਮਾਇਕ ਤੇ ਆ ਕੇ ਸੰਗਤਾਂ ਨੂੰ ਦੱਸੇ।ਦ ਓਪਨ ਡੋਰ ਚਰਚ ਖੋਜੇਵਾਲ ਦੇ ਪਾਸਟਰ ਹਰਪ੍ਰੀਤ ਦਿਓਲ ਜੀ ਨੇ ਸਟੇਜ ਤੇ ਆ ਕੇ ਪਵਿੱਤਰ ਬਾਈਬਲ ਵਿੱਚੋਂ ਸੰਗਤਾਂ ਨੂੰ ਪ੍ਰਵਚਨ ਦੱਸੇ ਕਿ ਤੁਹਾਨੂੰ ਹਮੇਸ਼ਾ ਪਰਮੇਸ਼ਵਰ ਜੀ ਦੀ ਆਗਿਆਕਾਰਤਾ ਵਿੱਚ ਮਜਬੂਤੀ ਨਾਲ ਅੜੇ ਤੇ ਖੜੇ ਰਹਿਣਾ ਚਾਹੀਦਾ ਹੈ ਪਰ ਤੁਸੀਂ ਇਸ ਤਰ੍ਹਾਂ ਨਹੀਂ ਕਰਦੇ।ਸਗੋਂ ਪਰਮੇਸ਼ਵਰ ਜੀ ਦੇ ਵਚਨਾਂ ਨੂੰ ਛੱਡ ਕੇ ਇਨਸਾਨਾਂ ਦੇ ਬਚਨਾਂ ਦੀ ਅਧੀਨਗੀ ਕਰਦੇ ਹੋ। ਇਸ ਤਰ੍ਹਾਂ ਕਰਕੇ ਤੁਸੀਂ ਪਰਮੇਸ਼ਵਰ ਜੀ ਦਾ ਨਿਰਾਦਰ ਕਰਦੇ ਹੋ ਪਾਸਟਰ ਹਰਪ੍ਰੀਤ ਦਿਓਲ ਜੀ ਨੇ ਪਵਿੱਤਰ ਬਾਈਬਲ ਵਿੱਚੋਂ ਇੱਕ ਉਜਾੜੂ ਪੁੱਤਰ ਦੀ ਕਹਾਣੀ ਦਾ ਵਰਣਨ ਵੀ ਕੀਤਾ
ਅਤੇ ਦੱਸਿਆ ਕਿ ਕਿਸ ਤਰ੍ਹਾਂ ਇੱਕ ਰਾਜੇ ਦੇ ਪੁੱਤਰ ਨੇ ਆਪਣੇ ਪਿਤਾ ਦੀ ਆਗਿਆਕਾਰੀ ਛੱਡ ਕੇ ਕਿਸੇ ਹੋਰ ਦੀ ਅਧੀਨਗੀ ਕਰ ਲਈ ਪਰ ਥੋੜੇ ਦਿਨਾਂ ਵਿੱਚ ਹੀ ਉਸ ੳਜਾੜੂ ਪੁੱਤ ਨੇ ਬਹੁਤ ਬਹੁਤ ਦੁੱਖ ਭੋਗੇ ਅਤੇ ਫਿਰ ਉਸਨੇ ਆਪਣੀਆਂ ਗਲਤੀਆਂ ਤੋਂ ਪਸ਼ਚਾਤਾਪ ਕੀਤਾ ਅਤੇ ਫਿਰ ਆਪਣੇ ਪਿਤਾ ਦੀ ਸ਼ਰਨ ਵਿੱਚ ਆਇਆ ਤਾਂ ਪਿਤਾ ਨੇ ਫਿਰ ਉਸ ਉਜਾੜੂ ਪੁੱਤ ਨੂੰ ਗਲੇ ਨਾਲ ਲਾ ਕੇ ਮਾਫ ਕਰ ਦਿੱਤਾ। ਸੋ ਤੁਸੀਂ ਵੀ ਜੋ ਭਟਕ ਚੁੱਕੇ ਹੋ ਮੁੜੋ ਅਤੇ ਆਪਣੇ ਸੱਚੇ ਪਿਤਾ ਪਰਮੇਸ਼ਵਰ ਮੁਕਤੀ ਦਾਤਾ ਜੀ ਦੇ ਚਰਨਾਂ ਵਿੱਚ ਆ ਜਾਓ ਅਤੇ ਆਪਣੀ ਜ਼ਿੰਦਗੀ ਵਿੱਚ ਹਰ ਤਰ੍ਹਾਂ ਦੀਆਂ ਖੁਸ਼ੀਆਂ ਪ੍ਰਾਪਤ ਕਰੋ ਉਪਰੰਤ ਪਾਸਟਰ ਦਿਓਲ ਜੀ ਨੇ ਸਾਰੀਆਂ ਸੰਗਤਾਂ ਨੂੰ 6 ਨਵੰਬਰ ਨੂੰ ਜੋ ਦ ਓਪਨ ਡੋਰ ਚਰਚ ਖੋਜੇਵਾਲਾ ਵਿੱਚ ਇੱਕ ਬਹੁਤ ਭਾਰੀ ਕ੍ਰਿਸਮਿਸ ਮਸੀਹ ਮੇਲਾ ਮਨਾਇਆ ਜਾ ਰਿਹਾ ਹੈ।
ਜਿਸ ਵਿੱਚ ਸਾਰੇ ਪੰਜਾਬ ਸਮੇਤ ਕਈ ਬਾਹਰੀ ਰਾਜਾਂ ਤੋਂ ਵੀ ਸੰਗਤਾਂ ਬਹੁਤ ਭਾਰੀ ਗਿਣਤੀ ਵਿੱਚ ਪਹੁੰਚ ਰਹੀਆਂ ਹਨ ਬਾਰੇ ਜਾਗਰੂਕ ਕੀਤਾ। ਅਤੇ ਆਉਣ ਵਾਲੀਆਂ ਸੰਗਤਾਂ ਦੀ ਸਹੀ ਸੇਵਾ ਸੰਭਾਲ ਕਰਨ ਲਈ ਤਿਆਰ ਰਹਿਣ ਲਈ ਸੰਗਤਾਂ ਨੂੰ ਪ੍ਰੇਰਿਆ ਅਤੇ ਕਿਹਾ ਖੁਦ ਵੀ ਸਾਰੇ ਲੋਕਾਂ ਤੱਕ ਸੁਨੇਹਾ ਬਚਾਉਣ ਲਈ ਮੇਹਨਤ ਕਰੋ। ਅਖੀਰ ਵਿੱਚ ਪਾਸਟਰ ਦਿਓਲ ਜੀ ਨੇ ਸਮੂਹ ਬਿਮਾਰਾਂ, ਲਚਾਰਾਂ, ਅਤੇ ਦੁਖਿਆਰੇ ਲੋਕਾਂ ਦੇ ਨਾਲ ਨਾਲ ਸਰਬੱਤ ਦੇ ਭਲੇ ਲਈ ਪ੍ਰਾਰਥਨਾ ਵੀ ਕੀਤੀ।
