ਕਪੂਰਥਲਾ, 14 ਜੂਨ (ਗੌਰਵ ਮੜੀਆ )-ਕੁਰਬਾਨੀ ਦਾ ਪ੍ਰਤੀਕ ਈਦ ਉਲ ਜ਼ੁਹਾ (ਬਕਰੀਦ) ਦਾ ਤਿਉਹਾਰ 17 ਜੂਨ ਦਿਨ ਸੋਮਵਾਰ ਨੂੰ ਮਨਾਇਆ ਜਾਵੇਗਾ | ਇਹ ਜਾਣਕਾਰੀ ਮੌਲਵੀ ਅਬਦੁਲ ਹਮੀਦ ਨੇ ਅੱਜ ਮੋਰਿਸ਼ ਮਸਜਿਦ ਵਿਚ ਆਏ ਨਮਾਜ਼ੀਆਂ ਨੂੰ ਸੰਬੋਧਨ ਕਰਦਿਆਂ ਦਿੱਤੀ | ਉਨ੍ਹਾਂ ਕਿਹਾ ਕਿ ਈਦ ਉਲ ਜ਼ੁਹਾ ਦੀ ਨਮਾਜ਼ 17 ਜੂਨ ਨੂੰ ਸਵੇਰੇ 8.45 ‘ਤੇ ਬੱਸ ਸਟੈਂਡ ਨਜ਼ਦੀਕ ਈਦਗਾਹ ਕਪੂਰਥਲਾ ਵਿਚ ਈਦਗਾਹ ਦੇ ਇਮਾਮ ਮੌਲਵੀ ਅਬਦੁਲ ਹਮੀਦ ਦੁਆਰਾ ਪੜ੍ਹਾਈ ਜਾਵੇਗੀ |
ਉਨ੍ਹਾਂ ਨਮਾਜ਼ ਪੜ੍ਹਨ ਆਏ ਮੁਸਲਿਮ ਭਾਈਚਾਰੇ ਦੇ ਲੋਕਾਂ ਨੂੰ ਇਸ ਤਿਉਹਾਰ ਪ੍ਰਤੀ ਵਿਸਥਾਰਪੂਰਵਕ ਰੋਸ਼ਨੀ ਵੀ ਪਾਈ | ਬੀਬੀ ਪੀਰੋਂਵਾਲੀ ਮਸਜਿਦ ‘ਚ ਸਵੇਰੇ 7.00 ਵਜੇ ਹੋਵੇਗੀ ਨਮਾਜ਼ ,ਇਸੇ ਤਰ੍ਹਾਂ ਈਦ ਉਲ ਜ਼ੁਹਾ ਦੇ ਤਿਉਹਾਰ ਸਬੰਧੀ ਅੰਮਿ੍ਤਸਰ ਰੋਡ ‘ਤੇ ਸਥਿਤ ਮਸਜਿਦ ਬੀਬੀ ਪੀਰੋਂਵਾਲੀ ‘ਚ 17 ਜੂਨ ਨੂੰ ਸਵੇਰੇ 7.00 ਵਜੇ ਨਮਾਜ਼ ਮੌਲਾਨਾ ਇਮਾਨੁੱਲਾ ਵੱਲੋਂ ਪੜ੍ਹਾਈ ਜਾਵੇਗੀ |
