ਅਯੁੱਧਿਆ ਚ ਬਣਨ ਵਾਲਾ ਮੰਦਿਰ ਸਿਰਫ਼ ਰਾਮ ਮੰਦਿਰ ਨਹੀਂ ਬਲਕਿ ਰਾਸ਼ਟਰੀ ਮੰਦਿਰ ਹੈ : ਨਰੇਸ਼ ਪੰਡਿਤ
ਭਗਵਾਨ ਸ਼੍ਰੀ ਰਾਮ ਕਰੀਬ 500 ਸਾਲਾਂ ਦੇ ਸੰਘਰਸ਼ ਤੋਂ ਬਾਅਦ 22 ਜਨਵਰੀ ਨੂੰ ਆਪਣੀ ਜਨਮ ਭੂਮੀ ਵਿਖੇ ਬਿਰਾਜਮਾਨ ਹੋਣਗੇ : ਵਾਲੀਆ
ਲੋਕਾਂ ਨੇ ਫੁੱਲਾਂ ਦੀ ਵਰਖਾ ਕਰਕੇ ਕੀਤਾ ਸਵਾਗਤ
ਕਪੂਰਥਲਾ(ਗੌਰਵ ਮੜੀਆ )ਭਗਵਾਨ ਸ਼੍ਰੀ ਰਾਮ ਦੀ ਵਿਸ਼ਾਲ ਪਾਲਕੀ, ਢੋਲ ਦੀ ਧੁਨ,ਸ਼ੰਖ ਦੀ ਅਵਾਜ ਅਤੇ ਜੈ ਸ਼੍ਰੀ ਰਾਮ ਦੇ ਜੈਕਾਰਿਆਂ ਖੁਸ਼ੀ ਵਾਲੇ ਮਾਹੌਲ ਅਤੇ ਰਾਮਮਈ ਮਾਹੌਲ ਵਿੱਚ ਬੁੱਧਵਾਰ ਨੂੰ ਵਿਰਾਸਤੀ ਸ਼ਹਿਰ ਕਪੂਰਥਲਾ ਦੇ ਮੰਡੀ ਧਰਮ ਸਭਾ ਤੋਂ ਇੱਕ ਵਿਸ਼ਾਲ ਮੰਗਲ ਕਲਸ਼ ਯਾਤਰਾ ਕੱਢੀ ਗਈ।ਦੱਸ ਦੇਈਏ ਕਿ ਅਯੁੱਧਿਆ ਚ ਰਾਮ ਮੰਦਿਰ,ਜਿੱਥੇ ਰਾਮ ਲਾਲਾ ਦੀ ਮੂਰਤੀ ਹੈ,ਉੱਥੇ ਪੂਜਾ ਕੀਤੇ ਹੋਏ ਅਕਸ਼ਤਾ ਦੀ ਵਿਸ਼ਾਲ ਮੰਗਲ ਕਲਸ਼ ਯਾਤਰਾ ਸ਼ਹਿਰ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਕੱਢੀ ਗਈ।
ਜਿਸ ਵਿਚ ਵੱਡੀ ਗਿਣਤੀ ਵਿਚ ਔਰਤਾਂ ਨੇ ਸਿਰਾਂ ਤੇ ਅਕਸ਼ਿਤ ਕਲਸ਼ ਲੈ ਕੇ ਸ਼ਿਰਕਤ ਕੀਤੀ।ਇਸ ਯਾਤਰਾ ਦਾ ਥਾਂ-ਥਾਂ ਸਵਾਗਤ ਕੀਤਾ ਗਿਆ।ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੀ ਤਰਫੋਂ ਇਨ੍ਹਾਂ ਕਲਸ਼ਾਂ ਵਿਚ ਰੱਖੇ ਗਏ ਅਖੰਡ ਕਲਸ਼ ਸਾਰੀਆਂ ਮੰਦਿਰ ਕਮੇਟੀਆਂ ਨੂੰ ਦਿੱਤੇ ਗਏ ਅਤੇ ਇਹ ਅਖੰਡ ਕਲਸ਼ ਸ਼ਹਿਰ ਅਤੇ ਪਿੰਡਾਂ ਦੇ ਹਰ ਘਰ ਨੂੰ ਦਿੱਤਾ ਦਿਤਾ ਜਾਵੇਗਾ।ਇਸ ਤੋਂ ਪਹਿਲਾਂ ਇਨ੍ਹਾਂ ਸਾਰੇ ਕਲਸ਼ਾਂ ਦੀ ਪੂਜਾ ਮੰਤਰਾਂ ਦੇ ਜਾਪ ਨਾਲ ਕੀਤੀ ਗਈ।ਇਸ ਮੌਕੇ ਬਜਰੰਗ ਦਲ ਦੇ ਸਾਬਕਾ ਸੂਬਾ ਪ੍ਰਧਾਨ ਅਤੇ ਵਿਸ਼ਵ ਹਿੰਦੂ ਪ੍ਰੀਸ਼ਦ ਜਲੰਧਰ ਵਿਭਾਗ ਦੇ ਪ੍ਰਧਾਨ ਨਰੇਸ਼ ਪੰਡਿਤ ਅਤੇ ਬਜਰੰਗ ਦਲ ਦੇ ਜਿਲ੍ਹਾ ਪ੍ਰਧਾਨ ਜੀਵਨ ਪ੍ਰਕਾਸ਼ ਵਾਲੀਆ ਨੇ ਦੱਸਿਆ ਕਿ ਸ੍ਰੀ ਰਾਮ ਜਨਮ ਭੂਮੀ ਤੇ ਪੂਜੇ ਜਾਣ ਵਾਲੇ ਪੀਲੇ ਅਕਸ਼ਤ ਭਾਵ ਚੌਲਾਂ ਨੂੰ ਘਰ-ਘਰ ਪਹੁੰਚਾ ਕੇ ਸੱਦਾ-ਪੱਤਰ ਦਿੱਤਾ ਜਾ ਰਿਹਾ ਹੈ।.
ਉਥੇ ਹੀ ਕਪੂਰਥਲਾ ਚ ਵੀ ਅਕਸ਼ਤ ਕਲਸ਼ ਯਾਤਰਾ ਕੱਢੀ ਗਈ ਹੈ,ਜਿਸ ਚ ਵੱਡੀ ਗਿਣਤੀ ਚ ਰਾਮ ਭਗਤਾਂ ਨੇ ਸ਼ਮੂਲੀਅਤ ਕੀਤੀ ਅਤੇ ਜੈ ਸ਼੍ਰੀ ਰਾਮ ਦੇ ਜੈਕਾਰੇ ਲਗਾਏ।ਨਰੇਸ਼ ਪੰਡਿਤ ਨੇ ਕਿਹਾ ਕਿ ਅਯੁੱਧਿਆ ਚ ਰਾਮ ਮੰਦਰ ਦੀ ਹੀ ਨਹੀਂ ਬਲਕਿ ਰਾਸ਼ਟਰੀ ਮੰਦਿਰ ਦੇ ਨਾਲ-ਨਾਲ ਰਾਸ਼ਟਰੀ ਸਵੈਮਾਣ ਦੀ ਨੀਂਹ ਪੱਕੀ ਹੋ ਰਹੀ ਹੈ।ਉਨ੍ਹਾਂ ਕਿਹਾ ਕਿ ਭਗਵਾਨ ਰਾਮ ਸਭ ਦੇ ਆਦਰਸ਼ ਹਨ।ਉਹ ਰਾਸ਼ਟਰ ਨਿਰਮਾਤਾ ਅਤੇ ਰਾਸ਼ਟਰੀ ਜਾਗ੍ਰਿਤੀ ਦੇ ਨਿਰੰਤਰ ਪ੍ਰੇਰਨਾ ਸਰੋਤ ਹਨ।ਜਦੋਂ ਤੱਕ ਅਸੀਂ ਭਗਵਾਨ ਸ਼੍ਰੀ ਰਾਮ ਦੇ ਆਦਰਸ਼ ਨੂੰ ਆਪਣੇ ਸਾਹਮਣੇ ਰੱਖਦੇ ਹਾਂ,ਉਦੋਂ ਤੱਕ ਕੋਈ ਵੀ ਸਾਡੇ ਦੇਸ਼, ਧਰਮ ਅਤੇ ਸੰਸਕ੍ਰਿਤੀ ਨੂੰ ਪਰੇਸ਼ਾਨ ਨਹੀਂ ਕਰ ਸਕੇਗਾ।ਇਸ ਲਈ ਅਯੁੱਧਿਆ ਵਿੱਚ ਬਣਨ ਵਾਲਾ ਮੰਦਰ ਕੇਵਲ ਰਾਮ ਮੰਦਰ ਨਹੀਂ ਬਲਕਿ ਇੱਕ ਰਾਸ਼ਟਰੀ ਮੰਦਰ ਹੈ।ਨਰੇਸ਼ ਪੰਡਿਤ ਨੇ ਕਿਹਾ ਕਿ ਭਗਵਾਨ ਸ਼੍ਰੀ ਰਾਮ ਕਰੀਬ 500 ਸਾਲਾਂ ਦੇ ਸੰਘਰਸ਼ ਤੋਂ ਬਾਅਦ 22 ਜਨਵਰੀ ਨੂੰ ਜਨਮ ਸਥਾਨ ਤੇ ਬਣ ਰਹੇ ਵਿਸ਼ਾਲ ਮੰਦਰ ਚ ਬਿਰਾਜਮਾਨ ਹੋਣਗੇ।
ਅਯੁੱਧਿਆ ਵਿੱਚ ਰਾਮ ਮੰਦਰ ਹੀ ਨਹੀਂ,ਸਗੋਂ ਰਾਸ਼ਟਰੀ ਮੰਦਿਰ ਅਤੇ ਰਾਸ਼ਟਰੀ ਸਵੈਮਾਣ ਦੀ ਨੀਂਹ ਰੱਖੀ ਜਾ ਰਹੀ ਹੈ।ਭਾਰਤੀ ਸੰਸਕ੍ਰਿਤੀ ਪੂਰੀ ਦੁਨੀਆ ਵਿੱਚ ਬੁਲੰਦ ਹੋ ਰਹੀ ਹੈ।ਸ਼੍ਰੀ ਰਾਮ ਜਨਮ ਭੂਮੀ ਲਈ ਸੰਘਰਸ਼ ਦੁਨੀਆ ਦਾ ਸਭ ਤੋਂ ਲੰਬਾ ਸੰਘਰਸ਼ ਹੈ।ਸੁਪਰੀਮ ਕੋਰਟ ਦੇ ਹੁਕਮਾਂ ਤੇ ਜਦੋਂ ਸ਼੍ਰੀ ਰਾਮ ਜਨਮ ਭੂਮੀ ਤੇ ਵਿਸ਼ਾਲ ਮੰਦਰ ਦੀ ਉਸਾਰੀ ਸ਼ੁਰੂ ਹੋਈ ਤਾਂ ਦੇਸ਼ ਦੇ 12.5 ਕਰੋੜ ਪਰਿਵਾਰਾਂ ਯਾਨੀ 65 ਕਰੋੜ ਰਾਮ ਭਗਤਾਂ ਨੇ ਚੰਦਾ ਦੇ ਕੇ ਯੋਗਦਾਨ ਪਾਇਆ।ਜਿਸ ਉਤਸ਼ਾਹ ਨਾਲ ਦੋ ਸਾਲ ਪਹਿਲਾਂ ਸਮੁੱਚੇ ਹਿੰਦੂ ਸਮਾਜ ਨੇ ਮੰਦਰ ਨਿਰਮਾਣ ਲਈ ਫੰਡ ਸਮਰਪਣ ਅਭਿਆਨ ਵਿੱਚ ਹਿੱਸਾ ਲਿਆ ਸੀ,ਉਸ ਤੋਂ ਦੁੱਗਣੇ ਉਤਸ਼ਾਹ ਨਾਲ ਪਵਿੱਤਰ ਉਦਘਾਟਨ ਦੀਆਂ ਤਿਆਰੀਆਂ ਵਿੱਚ ਜੁਟਿਆ ਹੋਇਆ ਹੈ।
ਇਸ ਮੌਕੇ ਤੇ ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਰਣਜੀਤ ਸਿੰਘ ਖੋਜੇਵਾਲ,ਸੂਬਾ ਕਾਰਜਕਾਰਨੀ ਮੈਂਬਰ ਸ਼ਾਮ ਸੁੰਦਰ ਅਗਰਵਾਲ,ਵਿੱਕੀ ਗੁਜਰਾਲ,ਡਾ.ਰਣਵੀਰ ਕੌਸ਼ਲ,ਉਮੇਸ਼ ਸ਼ਾਰਦਾ,ਐਡਵੋਕੇਟ ਪਿਯੂਸ਼ ਮਨਚੰਦਾ,ਸਾਬਕਾ ਕੌਂਸ਼ਲਰ ਚੇਤਨ ਸੂਰੀ,ਕਮਲ ਪ੍ਰਭਾਕਰ,ਸ਼ੁਸ਼ੀਲ ਭੱਲਾ,ਗਊਸ਼ਾਲਾ ਕਮੇਟੀ ਦੇ ਪ੍ਰਧਾਨ ਰਾਕੇਸ਼ ਚੋਪੜਾ,ਰਾਕੇਸ਼ ਗੁਪਤਾ,ਯੂਥ ਭਾਜਪਾ ਦੇ ਜਿਲ੍ਹਾ ਪ੍ਰਧਾਨ ਵਿਵੇਕ ਸਿੰਘ ਸੰਨੀ ਬੈਂਸ, ਪਵਨ ਧਿਰ,ਕਪਿਲ ਧਿਰ,ਸ਼ਿਵ ਸੈਨਾ ਊਧਵ ਬਾਲਾ ਸਾਹਿਬ ਠਾਕਰੇ ਦੇ ਸੂਬਾ ਬੁਲਾਰੇ ਓਮਕਾਰ ਕਾਲੀਆ,ਜਿਲ੍ਹਾ ਪ੍ਰਧਾਨ ਦੀਪਕ ਮਦਾਨ,ਸਚਿਨ ਬਹਿਲ,ਰਿੰਕੂ ਭੰਡਾਰੀ,ਸੰਦੀਪ ਪੰਡਿਤ,ਬੌਬੀ ਚਾਚਾ,ਬਜਰੰਗ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਜੀਵਨ ਪ੍ਰਕਾਸ਼ ਵਾਲੀਆ,ਮੰਦਿਰ ਸਨਾਤਨ ਧਰਮ ਸਭਾ ਦੇ ਮੀਤ ਪ੍ਰਧਾਨ ਵਿਜੇ ਖੋਸਲਾ, ਕੈਸ਼ੀਅਰ ਬੱਬੀ ਵਧਵਾ,ਸ਼ਿਵ ਸੈਨਾ ਸਿੰਦੇ ਗਰੁੱਪ ਦੇ ਜਿਲ੍ਹਾ ਪ੍ਰਧਾਨ ਮੁਕੇਸ਼ ਕਸ਼ਿਅਪ,ਆਰਐਸਐਸ ਦੇ ਅਸ਼ੋਕ ਗੁਪਤਾ, ਆਰਐਸਐਸ ਦੇ ਜਿਲ੍ਹਾ ਕਾਰਜਕਾਰਨੀ ਬਲਵਿੰਦਰ ਸਿੰਘ,ਆਰਐਸਐਸ ਦੇ ਵਿਕਾਸ ਬਜਾਜ,ਰਜਨੀਸ਼, ਮਨੀਮਾਹੇਸ਼ ਮੰਦਿਰ ਕਮੇਟੀ ਦੇ ਪ੍ਰਧਾਨ ਅਸ਼ੋਕ ਅਰੋੜਾ,ਸਤਿ ਨਰਾਇਣ ਮੰਦਿਰ ਕਮੇਟੀ ਦੇ ਨਰੇਸ਼ ਗੋਸਾਈਂ,
ਭਾਜਪਾ ਆਈਟੀ ਸੈੱਲ ਦੇ ਜਿਲ੍ਹਾ ਪ੍ਰਧਾਨ ਅਨੀਸ਼ ਅਗਰਵਾਲ, ਐਡਵੋਕੇਟ ਮੰਗਤ ਰਾਮ ਕਾਲੀਆ ਸਾਬਕਾ ਭਾਜਪਾ,ਸੂਬਾ ਕਾਰਜਕਾਰਨੀ ਦੇ ਮੈਂਬਰ ਰਾਜੇਸ਼ ਪਾਸੀ,ਭਾਜਪਾ,ਸੂਬਾ ਕਾਰਜਕਾਰਨੀ ਦੇ ਮੈਂਬਰ ਪਾਸੀg ਪਾਸੀ,ਜ਼ਿਲ੍ਹਾ ਮੀਤ ਪ੍ਰਧਾਨ ਕਪੂਰ ਚੰਦ ਥਾਪਰ, ਭਾਜਪਾ ਐਸਸੀ ਮੋਰਚਾ ਦੇ ਸੂਬਾ ਮੀਤ ਪ੍ਰਧਾਨ ਬਲਵਿੰਦਰ ਸਿੰਘ ਅਰਾਈਆਂਵਾਲ,ਆਮ ਆਦਮੀ ਪਾਰਟੀ ਦੇ ਬਲਾਕ ਪ੍ਰਧਾਨ ਵਿਕਾਸ ਮੋਮੀ,ਵਿਹਿਪ ਦੇ ਜਿਲ੍ਹਾ ਪ੍ਰਧਾਨ ਰਾਜ ਕੁਮਾਰ ਅਰੋੜਾ,ਜ਼ਿਲ੍ਹਾ ਮੰਤਰੀ ਰਾਜੂ ਸੂਦ,ਜ਼ਿਲ੍ਹਾ ਉਪ ਪ੍ਰਧਾਨ ਜੋਗਿੰਦਰ ਤਲਵਾੜ,ਜ਼ਿਲ੍ਹਾ ਉਪ ਪ੍ਰਧਾਨ ਮੰਗਤ ਰਾਮ ਭੋਲਾ, ਜ਼ਿਲ੍ਹਾ ਉਪ ਪ੍ਰਧਾਨ ਓਮ ਪ੍ਰਕਾਸ਼ ਕਟਾਰੀਆ, ਵਿਜੈ ਗਰੋਵਰ, ਬਜਰੰਗ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਜੀਵਨ ਪ੍ਰਕਾਸ਼ ਵਾਲੀਆ,ਜ਼ਿਲ੍ਹਾ ਇੰਚਾਰਜ ਚੰਦਰ ਮੋਹਨ ਭੋਲਾ, ਜ਼ਿਲ੍ਹਾ ਉਪ ਪ੍ਰਧਾਨ ਮੋਹਿਤ ਜੱਸਲ, ਜ਼ਿਲ੍ਹਾ ਉਪ ਪ੍ਰਧਾਨ ਸੰਦੀਪ ਅਗਰਵਾਲ, ਜ਼ਿਲ੍ਹਾ ਉਪ ਪ੍ਰਧਾਨ ਆਨੰਦ ਯਾਦਵ,ਸ਼ਹਿਰੀ ਪ੍ਰਧਾਨ ਚੰਦਨ ਸ਼ਰਮਾ,ਰਾਜੀਵ ਟੰਡਨ,ਵਿਜੇ ਯਾਦਵ,ਪਿਆਰੇ ਲਾਲ,ਵਿਨੋਦ ਅਗਰਵਾਲ,ਗੋਵਿੰਦ ਰਾਮ,ਵਿਕਾਸ ਸਿੱਧੀ,ਨੋਕੀਆ ਗੋਇਲ,ਈਸ਼ਾ ਮਹਾਜਨ,ਮਧੂ ਸੂਦ,ਰਿੰਪੀ ਸ਼ਰਮਾ,ਰਿਤੂ ਕੁਮਰਾ,ਆਭਾ ਆਨੰਦ,ਮਾਂ ਵੀਨਾ ਸ਼ਰਮਾ,ਬਾਵਾ ਪੰਡਿਤ ਸਮੇਤ ਸਾਰੀਆਂ ਮੰਦਿਰ ਕਮੇਟੀਆਂ,ਸਮਾਜਿਕ,ਧਾਰਮਿਕ ਰਾਜਨੀਤਿਕ ਸੰਸਥਾਵਾਂ ਦੇ ਸੈਂਕੜੇ ਰਾਮ ਭਗਤ ਹਾਜ਼ਰ ਸਨ।
