ਮੰਦਰਾਂ ਵਿੱਚ ਸਥਾਪਤ ਕਰਨ ਲਈ ਵੰਡੇ ਗਏ ਅਖੰਡ ਕਲਸ਼
ਕਪੂਰਥਲਾ(ਗੌਰਵ ਮੜੀਆ ) ਬੁੱਧਵਾਰ ਨੂੰ ਮੰਦਿਰ ਧਰਮ ਸਭਾ ਵਿਖੇ ਵਿਸ਼ਵ ਹਿੰਦੂ ਪ੍ਰੀਸ਼ਦ ਵੱਲੋਂ ਵਿਰਾਸਤੀ ਨਗਰੀ ਕਪੂਰਥਲਾ ਸ਼ਹਿਰ ਦੇ ਮੰਦਰਾਂ ਵਿੱਚ ਸਥਾਪਨਾ ਲਈ ਅਯੁੱਧਿਆ ਤੋਂ ਆਏ ਪਵਿੱਤਰ ਕਲਸ਼ ਨੂੰ ਮੰਦਰਾਂ ਦੇ ਅਹੁਦੇਦਾਰਾਂ ਵਿੱਚ ਵੰਡਿਆ ਗਿਆ।ਪ੍ਰੋਗਰਾਮ ਵਿੱਚ ਵੱਡੀ ਗਿਣਤੀ ਵਿੱਚ ਪੁਰਖ-ਔਰਤਾਂ ਸ਼ਰਧਾਲੂਆਂ ਨੇ ਸ਼ਿਰਕਤ ਕੀਤੀ।
ਇਸ ਪ੍ਰੋਗਰਾਮ ਵਿੱਚ ਵਿਸ਼ਵ ਹਿੰਦੂ ਪ੍ਰੀਸ਼ਦ ਜਲੰਧਰ ਵਿਭਾਗ ਦੇ ਪ੍ਰਧਾਨ ਨਰੇਸ਼ ਪੰਡਿਤ ਨੇ ਕਿਹਾ ਕਿ ਵਿਸ਼ਵ ਹਿੰਦੂ ਪ੍ਰੀਸ਼ਦ ਨੇ 22 ਜਨਵਰੀ ਨੂੰ ਦੂਜੀ ਦੀਵਾਲੀ ਮਨਾਉਣ ਦਾ ਸੱਦਾ ਦਿੱਤਾ ਹੈ
ਜਦੋਂ ਭਗਵਾਨ ਰਾਮਜੀ 500 ਸਾਲਾਂ ਬਾਅਦ ਭਾਰਤ ਦੀ ਆਜ਼ਾਦੀ ਦੇ ਸੁਨਹਿਰੀ ਯੁੱਗ ਵਿੱਚ ਆਪਣੇ ਜਨਮ ਸਥਾਨ ਵਾਪਸ ਪਰਤਣਗੇ।ਪ੍ਰਾਣ ਪ੍ਰੀਤਸ਼ਠਾ ਸਮਾਗਮ ਸਾਰੇ ਰਾਮ ਭਗਤਾਂ ਨੂੰ ਤਾਂ ਇੱਕੋ ਦਿਨ ਅਯੁੱਧਿਆ ਨਹੀਂ ਬੁਲਾਇਆ ਜਾ ਸਕਦਾ ਹੈ।ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸ਼ਹਿਰ ਭਰ ਦੇ ਹਿੰਦੂ ਆਪਣੇ ਮੋਹਲ੍ਲੇ ਜਾਂ ਪਿੰਡ ਦੇ ਮੰਦਰਾਂ ਨੂੰ ਅਯੁੱਧਿਆ ਮੰਨ ਕੇ ਉੱਥੇ
ਇਕੱਠੇ ਹੋਣ।ਉਥੇ ਦੀ ਪ੍ਰੰਪਰਾ ਅਨੁਸਾਰ ਪੂਜਾ-ਪਾਠ ਅਤੇ ਅਰਾਧਨਾ ਕਰਨ।ਉਨ੍ਹਾਂ ਨੇ ਕਿਹਾ ਕਿ ਵੀਐਚਪੀ ਵਰਕਰਾਂ ਦਾ ਉਦੇਸ਼ ਭਾਰਤ ਦੇ ਹਰ ਘਰ ਵਿੱਚ ਪੂਜਾ ਕੀਤੇ ਅਕਸ਼ਤ(ਹਲਦੀ ਵਾਲੇ ਚੌਲਾਂ ਦੇ ਦਾਣੇ)ਅਤੇ ਰਾਮ ਮੰਦਰ ਦੀ ਤਸਵੀਰ ਲੈ ਕੇ ਪਹੁੰਚਣਾ ਹੈ। ਉਹ ਲੋਕਾਂ ਨੂੰ ਅਭਿਸ਼ੇਕ ਵਾਲੇ ਦਿਨ ਦੀਵੇ ਜਗਾਉਣ ਦੀ ਅਪੀਲ ਵੀ ਕਰਨਗੇ। ਨਰੇਸ਼ ਪੰਡਿਤ ਨੇ ਕਿਹਾ ਕਿ
ਵੀਐਚਪੀ ਦੇ ਵਰਕਰ ਲੋਕਾਂ ਨੂੰ ਆਪਣੇ ਘਰਾਂ ਵਿੱਚ ਦੀਵੇ ਜਗਾਉਣ ਦਾ ਸੱਦਾ ਦੇਣ ਦਾ ਕੰਮ ਕਰ ਰਹੇ ਹਨ ਕਿਉਂਕਿ ਭਗਵਾਨ ਰਾਮ ਮੰਦਰ ਵਿੱਚ ਵਾਪਸ ਆ ਰਹੇ ਹਨ। ਅਸੀਂ ਚਾਹੁੰਦੇ ਹਾਂ ਕਿ ਭਾਰਤ ਭਰ ਦੇ ਲੋਕ ਉਸ ਦਿਨ ਦੀਵਾਲੀ ਮਨਾਉਣ।ਉਨ੍ਹਾਂ ਕਿਹਾ ਕਿ ਲੋਕ ਆਪਣੇ ਸਥਾਨਕ ਮੰਦਰਾਂ ਵਿੱਚ ਇਕੱਠੇ ਹੋਣ,ਉਨ੍ਹਾਂ ਨੂੰ ਸਜਾਉਣ,ਦੀਵੇ ਜਗਾਉਣ ਅਤੇ ਪ੍ਰਾਰਥਨਾ ਕਰਨ।
ਪਰਿਵਾਰਾਂ ਨੂੰ ਵੀ ਘੱਟੋ-ਘੱਟ 11 ਦੀਵੇ ਜਗਾਉਣ ਲਈ ਕਿਹਾ ਜਾਵੇਗਾ,ਜੋ ਕਿ ਇੱਕ ਸ਼ੁਭ ਸੰਖਿਆ ਮੰਨਿਆ ਜਾਂਦਾ ਹੈ। ਨਰੇਸ਼ ਪੰਡਿਤ ਨੇ ਦੱਸਿਆ ਕਿ ਪਰਿਵਾਰਾਂ ਨੂੰ ਆਪਣੇ ਘਰਾਂ ਅਤੇ ਮੁਹੱਲਿਆਂ ਦੀ ਇਸ ਦੂਸਰੀ ਦੀਵਾਲੀ ਤੋਂ ਪਹਿਲਾਂ ਸਫ਼ਾਈ ਕਰਨ ਲਈ ਵੀ ਕਿਹਾ ਜਾਵੇਗਾ।ਇਸ ਮੌਕੇ ਵਿਹਿਪ ਪ੍ਰਧਾਨ ਰਾਜ ਕੁਮਾਰ ਅਰੋੜਾ,ਜ਼ਿਲ੍ਹਾ ਮੰਤਰੀ ਰਾਜੂ ਸੂਦ,ਜ਼ਿਲ੍ਹਾ ਉਪ ਪ੍ਰਧਾਨ
ਜੋਗਿੰਦਰ ਤਲਵਾੜ,ਜ਼ਿਲ੍ਹਾ ਉਪ ਪ੍ਰਧਾਨ ਮੰਗਤ ਰਾਮ ਭੋਲਾ,ਜ਼ਿਲ੍ਹਾ ਮੰਤਰੀ ਓਮ ਪ੍ਰਕਾਸ਼ ਕਟਾਰੀਆ,ਬਜਰੰਗ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਜੀਵਨ ਪ੍ਰਕਾਸ਼ ਵਾਲੀਆ,ਜ਼ਿਲ੍ਹਾ ਇੰਚਾਰਜ
ਚੰਦਰਮੋਹਨ ਭੋਲਾ,ਜ਼ਿਲ੍ਹਾ ਇੰਚਾਰਜ ਬਾਵਾ ਪੰਡਿਤ,ਗਊ ਸੁਰੱਖਿਆ ਪ੍ਰਮੁੱਖ ਵਿਜੇ ਗਰੋਵਰ,ਗੋਵਿੰਦ ਰਾਮ, ਜ਼ਿਲ੍ਹਾ ਉਪ ਪ੍ਰਧਾਨ ਮੋਹਿਤ ਜੱਸਲ,ਜ਼ਿਲ੍ਹਾ ਉਪ ਪ੍ਰਧਾਨ ਸੰਦੀਪ
ਅਗਰਵਾਲ,ਜ਼ਿਲ੍ਹਾ ਉਪ ਪ੍ਰਧਾਨ ਆਨੰਦ ਯਾਦਵ,ਸ਼ਹਿਰੀ ਪ੍ਰਧਾਨ ਚੰਦਰ ਸ਼ਰਮਾ, ਰਾਜੀਵ ਟੰਡਨ,ਵਿਜੇ ਯਾਦਵ ਸਮੇਤ ਸੈਂਕੜੇ ਰਾਮ ਭਗਤ ਮੌਜੂਦ ਸਨ।
