ਕਪੂਰਥਲਾ ( ਗੌਰਵ ਮੜੀਆ ) : ਦਿਵਯ ਜਯੋਤੀ ਜਾਗ੍ਰਿਤੀ ਸੰਸਥਾਨ ਆਸ਼ਰਮ ਕਪੂਰਥਲਾ ਅੰਦਰ ਹਫਤਾਵਾਰੀ ਸਤਸੰਗ ਦੌਰਾਨ ਸ਼੍ਰੀ ਆਸ਼ੂਤੋਸ਼ ਮਹਾਰਾਜ ਜੀ ਦੀ ਸੇਵਿਕਾ ਸਾਧਵੀ ਮੋਨਿਕਾ ਭਾਰਤੀ ਜੀ ਨੇ ਕਿਹਾ ਕਿ ਮਹਾਪੁਰਸ਼ਾ ਦਾ ਆਗਮਨ ਇਸ ਧਰਤੀ ਦੇ ਉੱਪਰ ਸਮੁੱਚੀ ਮਾਨਵਤਾ ਤੇ ਪਰੋਪਕਾਰ ਕਰਨ ਲਈ ਹੁੰਦਾ ਹੈ। ਗੁਰੂ ਨਾਨਕ ਦੇਵ ਜੀ ਅਕਾਲਪੁਰਖ ਦਾ ਇੱਕ ਅਜਿਹਾ ਹੀ ਸਰਗੁਣ ਸਰੂਪ ਯੁਗਪੁਰਸ਼ ਰਹੇ ਹਨ ।
ਉਹ ਓਸ ਸਮੇਂ ਦੇ ਪਾਖੰਡੀ ,ਕਰਮ ਕਾਂਡੀ,ਪਾਪੀਆਂ ਠੱਗਾਂ ਅਤਿਆਚਾਰ ਕਰਨ ਵਾਲੇ ਰਾਜੇ ਰਾਣੇ ਅਤੇ ਰਾਕਸ਼ਾਂ ਨੂੰ ਓਹਨਾ ਦੇ ਬੁਰੇ ਕਰਮ ਦਾ ਅਹਿਸਾਸ ਕਰਵਾਉਣ ਵਾਲੇ ਬੇਝਿਜਕ ਸਮਾਜ ਸੁਧਾਰਕ ਸਨ।ਸਮੁੱਚੀ ਮਾਨਵ ਜਾਤੀ ਨੂੰ ਨਾਮ ਜਪੋ ,ਵੰਡ ਸ਼ਕੋ, ਕਿਰਤ ਕਰੋ ,ਦੇ ਕੇ ਏਕਤਾ ਦੇ ਸੂਤਰ ਵਿਚ ਪਿਰੋਂ ਦਿੱਤਾ।ਪਰ ਇਹ ਵੀ ਵਿਚਾਰ ਕਰਨ ਯੋਗ ਹੈ ਕਿ ਅੱਜ ਮਾਨਵ ਓਹਨਾ ਦੀਆਂ ਦਿੱਤੀਆਂ ਸਿੱਖਿਆਵਾਂ ਨੂੰ ਕਿੰਨਾ ਆਪਣੇ ਜੀਵਨ ਵਿਚ ਲਾਗੂ ਕਰ ਪਾ ਰਿਹਾ ਹੈ।
ਜੇਕਰ ਗੌਰ ਨਾਲ ਵਿਚਾਰ ਕਰੀਏ ਗੁਰੂ ਜੀ ਦਾ ਮਾਰਗ ਅਤੇ ਸਿੱਖਿਆਵਾਂ ਸਭ ਤੋਂ ਪਹਿਲਾਂ ਧਾਰਮਿਕ ਸੀ।ਕਿਉਂਕਿ ਧਰਮ ਤੋਂ ਹੀਣਾ ਵਿਅਕਤੀ ਚਾਹੇ ਸਮਾਜਿਕ ਅਤੇ ਚਾਹੇ ਰਾਜਨੀਤਿਕ ਖੇਤਰ ਵਿੱਚ ਹੋਵੇ,ਬੁਰਾਈ ਦਾ ਸਹਾਰਾ ਲਵੇਗਾ ਹੀ।ਇਸ ਲਈ ਓਹਨਾ ਨੇ ਧਰਮ ਦੀ ਸਹੀ ਪਹਿਚਾਣ ਦਸਦੇ ਹੋਏ ਉਪਦੇਸ਼ ਦਿੱਤਾ ਕੇ ਸੰਸਾਰ ਵਿੱਚ ਪਰਮਾਤਮਾ ਇਕ ਹੈ ਅਤੇ ਉਸ ਨੂੰ ਪਾਉਣ ਦਾ ਮਾਰਗ ਵੀ ਇਕ ਹੈ।
ਉਹ ਮਾਰਗ ਹੈ ਪੂਰੇ ਗੁਰੂ ਦੀ ਸ਼ਰਨ ਵਿੱਚ ਜਾ ਕੇ ਆਪਣੇ ਅੰਦਰਦੇ ਘਰ ਵਿੱਚ ਬੈਠੇ ਪਰਮਾਤਮਾ ਦਾ ਦਰਸ਼ਨ ਕਰ ਲੈਣਾ।ਫਿਰ ਉਸਦਾ ਧਿਆਨ ਧਰਕੇ ਇਕ ਆਦਰਸ਼ ਗੁਰਮੁੱਖ ਬਣ ਕੇ ਸਰਬੱਤ ਦੇ ਭਲੇ ਲਈ ਕਾਰਜ ਕੀਤੇ ਜਾ ਸਕਦੇ ਹਨ । ਸੰਸਥਾਨ ਦੁਆਰਾ ਸਮੁੱਚੀ ਸਾਧ ਸੰਗਤ ਨੂੰ ਮਹਾਨ ਯੁਗਪੁਰਸ਼ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਗਟ ਉਤਸਵ ਦੀ ਹਾਰਦਿਕ ਵਧਾਈ ਵੀ ਦਿੱਤੀ ਗਈ।
