ਕਪੂਰਥਲਾ (ਗੌਰਵ ਮੜੀਆ ) ਸੂਬੇ ਵਿੱਚ ਅਮਨ ਕਾਨੂੰਨ ਦੀ ਸਥਿਤੀ ਦਿਨੋਂ ਦਿਨੀਂ ਵਿਗੜਦੀ ਜਾ ਰਹੀ ਜਿਸ ਦਾ ਖਮਿਆਜ਼ਾ ਕੁਝ ਦਿਨ ਪਹਿਲਾਂ ਪੈਪਸੂ ਰੋਡ ਟਰਾਂਸਪੋਰਟ ਕਾਰਪੋਰੇਸ਼ਨ ਕਪੂਰਥਲਾ ਡਿਪੂ ਦੇ ਡਰਾਇਵਰ ਨੂੰ ਆਪਣੀ ਜਾਨ ਗਵਾ ਕੇ ਭੁਗਤਣਾ ਪਿਆ। ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਪੰਜਾਬ ਰੋਡਵੇਜ਼/ਪਨਬਸ ਪੀਆਰਟੀਸੀ ਕੰਟੈਰਕਟ ਵਰਕਰਜ ਯੂਨੀਅਨ 25/11 ਦੇ ਸੂਬਾ ਆਗੂ ਗੁਰਪ੍ਰੀਤ ਸਿੰਘ ਪੰਨੂੰ ਨੇ ਅੱਜ ਅੰਤਿਮ ਰਸਮਾਂ ਵਿੱਚ ਸ਼ਾਮਲ ਹੁੰਦੇ ਹੋਏ ਕੀਤਾ।
ਉਹਨਾ ਦੱਸਿਆ ਕਿ ਅੱਜ 5 ਦਿਨ ਬੀਤੇ ਚੁੱਕੇ ਹਨ ਪਰ ਸਾਡੇ ਡਰਾਇਵਰ ਗੁਰਮੀਤ ਸਿੰਘ ਦੇ ਕਾਤਲ ਅਜੇ ਵੀ ਪੁਲਿਸ ਦੀ ਗ੍ਰਸਤ ਤੋਂ ਬਾਹਰ ਹਨ। ਅਗਰ ਪੰਜਾਬ ਸਰਕਾਰ ਅਤੇ ਪੁਲਿਸ ਪ੍ਰਸ਼ਾਸਨ ਦੀ ਕਰਵਾਈ ਇਸ ਤਰ੍ਹਾਂ ਹੀ ਢਿੱਲੀ ਰਹੀ ਤਾਂ ਸਾਨੂੰ ਮਜਬੂਰਨ ਆਉਣ ਵਾਲੇ ਦਿਨਾਂ ਵਿੱਚ ਵੱਡਾ ਸੰਘਰਸ਼ ਉਲੀਕਣਾ ਪੈ ਸਕਦਾ ਹੈ। ਜਿਸ ਜ਼ਿਮੇਵਾਰੀ ਪੰਜਾਬ ਸਰਕਾਰ ਅਤੇ ਪੁਲਿਸ ਪ੍ਰਸ਼ਾਸਨ ਦੀ ਹੋਵੇਗੀ।
