ਜਲੰਧਰ ਕਮਿਸ਼ਨਰੇਟ ਪੁਲਿਸ ਵੱਲੋਂ ਸ਼ਹਿਰ ਦੇ 20 ਪਹਿਚਾਣੇ ਗਏ ਹੋਟਸਪੋਟ ‘ਤੇ ਵਿਸ਼ੇਸ਼ ਅਤੇ ਟਾਰਗੇਟਡ ਕੋਰਡਨ ਐਂਡ ਸਰਚ ਆਪਰੇਸ਼ਨ (CASO) ਚਲਾਇਆ ਗਿਆ। ਇਹ ਹੋਟਸਪੋਟ ਆਮ ਜਨਤਾ ਤੋਂ ਪ੍ਰਾਪਤ ਸ਼ਿਕਾਇਤਾਂ ਅਤੇ ਸੇਫ ਪੰਜਾਬ ਹੈਲਪਲਾਈਨ ਰਾਹੀਂ ਮਿਲੇ ਇਨਪੁੱਟਸ ਦੇ ਆਧਾਰ ‘ਤੇ ਚੁਣੇ ਗਏ ਸਨ।
ਸੀ.ਪੀ. ਜਲੰਧਰ ਸ੍ਰੀਮਤੀ ਧਨਪ੍ਰੀਤ ਕੌਰ ਨੇ ਸੀਨੀਅਰ ਪੁਲਿਸ ਅਧਿਕਾਰੀਆਂ ਦੇ ਨਾਲ ਮਿਲ ਕੇ 40 ਕਵਾਰਟਰਜ਼, ਨਵੀਂ ਬਰਾਦਰੀ ਇਲਾਕੇ ਵਿੱਚ ਮੈਦਾਨੀ ਪੱਧਰ ‘ਤੇ ਆਪਰੇਸ਼ਨ ਦੀ ਖੁਦ ਨਿਗਰਾਨੀ ਕੀਤੀ। ਹੋਰ ਪਹਿਚਾਣੇ ਗਏ ਨਸ਼ਾ ਪ੍ਰਭਾਵਿਤ ਹੋਟਸਪੋਟ ਦੀ ਜਾਂਚ ਸੰਬੰਧਿਤ ਐਸ.ਐਚ.ਓਜ਼ ਵੱਲੋਂ ਗਜ਼ਟਿਡ ਅਫ਼ਸਰ ਦਰਜੇ ਦੇ ਪੁਲਿਸ ਅਧਿਕਾਰੀਆਂ ਦੀ ਸਿੱਧੀ ਨਿਗਰਾਨੀ ਹੇਠ ਕੀਤੀ ਗਈ।
ਉਨ੍ਹਾਂ ਨੇ ਹੋਰ ਕਿਹਾ ਕਿ ਦੂਰ-ਦਰਾਜ਼ ਇਲਾਕਿਆਂ ਅਤੇ ਪਹਿਚਾਣੇ ਗਏ ਨਸ਼ਾ ਪ੍ਰਭਾਵਿਤ ਹੋਟਸਪੋਟ ‘ਤੇ ਪੁਲਿਸ ਟੀਮਾਂ ਵੱਲੋਂ ਲਗਾਤਾਰ ਨਿਗਰਾਨੀ ਰੱਖੀ ਜਾ ਰਹੀ ਹੈ। ਲੋਕ ਸੁਰੱਖਿਆ ਨੂੰ ਯਕੀਨੀ ਬਣਾਉਣ, ਨਸ਼ਾ ਸੰਬੰਧੀ ਗਤੀਵਿਧੀਆਂ ‘ਤੇ ਰੋਕ ਲਗਾਉਣ ਅਤੇ ਸ਼ਹਿਰ ਵਿੱਚ ਕਾਨੂੰਨ-ਵਿਵਸਥਾ ਕਾਇਮ ਰੱਖਣ ਲਈ ਇਸ ਤਰ੍ਹਾਂ ਦੇ ਕੇਂਦਰਿਤ ਆਪਰੇਸ਼ਨ ਭਵਿੱਖ ਵਿੱਚ ਵੀ ਜਾਰੀ ਰਹਿਣਗੇ।
