ਕਰਤਾਰਪੁਰ 25 ਅਗਸਤ (ਜਸਵੰਤ ਵਰਮਾ ) ਮਾਸਟਰ ਗੁਰਬੰਤਾ ਸਿੰਘ ਮੈਮੋਰੀਅਲ ਜਨਤਾ ਕਾਲਜ ਕਰਤਾਰਪੁਰ ਦੇ ਐਨ. ਐਸ. ਐਸ ਤੇ ਬੱਡੀ ਗਰੁੱਪ ਵੱਲੋਂ’ ਯੁੱਧ ਨਸ਼ਿਆਂ ਵਿਰੁੱਧ’ ਸੈਮੀਨਾਰ ਕਰਵਾਇਆ ਗਿਆ। ਇਸ ਪ੍ਰੋਗਰਾਮ ਵਿੱਚ ਮੁੱਖ ਮਹਿਮਾਨ ਵਜੋਂ ਪ੍ਰਿੰਸੀਪਲ ਡਾ. ਪ੍ਰੈਟੀ ਸੋਢੀ ਨੇ ਸ਼ਿਰਕਤ ਕੀਤੀ। ਕਾਲਜ ਦੇ ਵਿਦਿਆਰਥੀਆਂ ਨੇ ਬੜੇ ਉਤਸ਼ਾਹ ਨਾਲ ਹਿੱਸਾ ਲਿਆ ਤੇ ਆਪਣੇ ਵਿਚਾਰ ਵੀ ਪੇਸ਼ ਕੀਤੇ। ਬੀ.ਏ ਛੇਵਾਂ ਦੀ ਵਿਦਿਆਰਥਣ ਪਲਵੀ ਨੇ ਆਪਣੇ ਨੌਜਵਾਨ ਸਾਥੀਆਂ ਨੂੰ ਇਸ ਨਾਮੁਰਾਦ ਬੀਮਾਰੀ ਤੋਂ ਦੂਰ ਰਹਿਣ ਦਾ ਸ਼ੰਦੇਸ ਦਿੱਤਾ । ਪ੍ਰੋਫੈਸਰ ਤੇ ਬਡੀ ਗਰੁੱਪ ਦੇ ਕੋਆਡੀਨੇਟਰ ਡਾ. ਸਾਕਸ਼ੀ ਕਸ਼ੱਅਪ ਨੇ ਕਿਹਾ ਕਿ ਹਰ ਵਿਅਕਤੀ ਨੂੰ ਆਪਣੇ ਪੱਧਰ ਤੇ ਅਜਿਹੇ ਯਤਨ ਕਰਨੇ ਚਾਹੀਦੇ ਹਨ ਜਿਸ ਨਾਲ ਆਉਣ ਵਾਲੀ ਪੀੜੀ ਨਸ਼ਿਆਂ ਤੋਂ ਦੂਰ ਰਹਿ ਸਕੇ।
ਵਿਦਿਆਰਬਣ ਰਾਜਵਿੰਦਰ ਕੌਰ ਤੇ ਵੰਦਨਾ ਨੇ ਆਪਣੀ ਕਵਿਤਾ ਦੇ ਰਾਹੀ ਨਸ਼ਿਆਂ ਵਿਰੁੱਧ ਸਮਾਜ ਨੂੰ ਜਾਗਰੂਕ ਕੀਤਾ। ਵਿਦਿਆਰਥੀ ਵਿਵੇਕ ਨੇ ਵੀ ਗੀਤ ਰਾਹੀ ਇਸ ਬੀਮਾਰੀ ਤੋਂ ਦੂਰ ਰਹਿਣ ਦਾ ਹੋਕਾ ਦਿੱਤਾ। ਪ੍ਰਿੰਸੀਪਲ ਡਾ. ਪ੍ਰੈਟੀ ਸੋਢੀ ਨੇ ਐਨ. ਐਸ. ਐਸ ਵਲੰਟੀਅਰ ਨੂੰ ਸੰਬੋਧਨ ਹੁੰਦਿਆਂ ਕਿਹਾ ਕਿ ਨੌਜਵਾਨ ਜੇਕਰ ਆਪਣਾ ਮਕਸਦ ਸਮਾਜ ਵਿੱਚੋ ਨਸ਼ਿਆਂ ਵਰਗੀ ਬੀਮਾਰੀ ਨੂੰ ਬਾਹਰ ਕਰਨ ਦਾ ਨਿਸ਼ਚਿਤ ਕਰ ਲੈਣ ਤਾਂ ਉਹ ਹਰ ਹੀਲੇ ਕਾਮਯਾਬ ਹੋਣਗੇਅਜਿਹਾ ਨੌਜਵਾਨ ਹੀ ਕਰ ਸਕਦੇ ਹਨ।
ਕਾਲਜ ਪ੍ਰਧਾਨ ਚੌਧਰੀ ਸੁਰਿੰਦਰ ਸਿੰਘ ਤੇ ਸਕੱਤਰ ਹਰੀ ਪਾਲ ਜੀ ਨੇ ਆਪਣੇ ਸੰਦੇਸ਼ ਵਿੱਚ ਕਿਹਾ ਕਿ ਅਜਿਹੀ ਵਿਚਾਰ ਚਰਚਾ ਹੋਣੀ ਲਾਜ਼ਮੀ ਹੈ ਜਿਸ ਨਾਲ ਵਿਦਿਆਰਥੀ ਵਰਗ ਵਿੱਚ ਨਸ਼ਿਆਂ ਨਾਲ ਹੁੰਦੇ ਮਾਰੂ ਪ੍ਰਭਾਵਾਂ ਪ੍ਰਤਿ ਚੇਤੰਨਤਾ ਫੈਲਾ ਸਕੇ ਤੇ ਸਮਾਜ ਨੂੰ ਇਸ ਨਾ ਮੁਰਾਦ ਬੀਮਾਰੀ ਤੋਂ ਬਚਾਇਆ ਜਾ ਸਕੇ।
