ਮੋਦੀ ਸਰਕਾਰ ਨੇ ਅੰਤਰਰਾਸ਼ਟਰੀ ਪੱਧਰ ਤੇ ਪੰਜਾਬ ਨੂੰ ਵਿਸ਼ਵ ਨਾਲ ਜੋੜਨ ਲਈ ਬਹੁਤ ਸਾਰੇ ਮਹੱਤਵਪੂਰਨ ਫੈਸਲੇ ਲਏ-ਖੋਜੇਵਾਲ
ਕਪੂਰਥਲਾ(ਗੌਰਵ ਮੜੀਆ )ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਦੀਆਂ ਨੀਤੀਆਂ ਅਤੇ ਉਨ੍ਹਾਂ ਦੇ ਭਾਰਤ ਨੂੰ ਵਿਕਸਤ ਭਾਰਤ ਬਣਾਉਣ ਦੇ ਦਿਰ੍ੜ ਇਰਾਦੇ ਤੌ ਪ੍ਰਭਾਵਿਤ ਹੋ ਕੇ ਅੱਜ ਜ਼ਿਲਾ ਕਪੂਰਥਲਾ ਦੇ ਹਲਕਾ ਫਗਵਾੜਾ ਵਿਖੇ ਰਿਟਾਇਰਡ ਡੀਐਸਪੀ ਸ.ਜਸਬੀਰ ਸਿੰਘ ਨੇ ਆਪਣੇ ਸਾਥੀਆ ਸਮੇਤ ਭਾਜਪਾ ਜ਼ਿਲ੍ਹਾ ਰਣਜੀਤ ਸਿੰਘ ਖੋਜੇਵਾਲ,ਮੰਡਲ ਇੱਕ ਫਗਵਾੜਾ ਦੇ ਪ੍ਰਧਾਨ ਵਿੱਕੀ ਸੂਦ,ਮੰਡਲ ਦੋ ਫਗਵਾੜਾ ਦੇ ਪ੍ਰਧਾਨ ਨਰੇਸ਼ ਕੌਟਰਾਨੀ ਅਤੇ ਸਾਬਕਾ ਐਸ ਕਮਿਸ਼ਨ ਦੇ ਕੌਮੀ ਚੇਅਰਮੈਨ ਵਿਜੈ ਸਾਂਪਲਾ ਅਤੇ ਸੀਨੀਅਰ ਲੀਡਰਾਂ ਦੀ ਅਗਵਾਈ ਵਿੱਚ ਭਾਰਤੀਯ ਜਨਤਾ ਪਾਰਟੀ ਦਾ ਪੱਲਾ ਫੜਿਆ।
ਇਸ ਮੌਕੇ ਪਾਰਟੀ ਵਿਚ ਸ਼ਾਮਲ ਹੋਣ ਵਾਲੇ ਰਿਟਾਇਰਡ ਡੀਐਸਪੀ ਸ.ਜਸਬੀਰ ਸਿੰਘ ਨੂੰ ਸਿਰਪਾਓ ਦੇ ਕੇ ਜੀ ਆਇਆ ਆਖਿਆ ਗਿਆ।ਇਸ ਮੌਕੇ ਜ਼ਿਲ੍ਹਾ ਪ੍ਰਧਾਨ ਖੋਜੇਵਾਲ ਨੇ ਕਿਹਾ ਕਿ 2014,2019 ਤੋਂ ਵੱਡੀ ਬਹੁਮਤ ਨਾਲ ਤੀਜੀ ਵਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਿੱਚ ਦੇਸ਼ ਵਿਚ ਭਾਜਪਾ ਦੀ ਸਰਕਾਰ ਬਣੇਗੀ।ਉਨ੍ਹਾਂ ਕਿਹਾ ਕਿ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਵਿੱਚ ਪਾਰਟੀ 400 ਤੋਂ ਵੱਧ ਸੀਟਾਂ ਜਿੱਤੇਗੀ।ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਕੇਂਦਰ ਸਰਕਾਰ ਨੇ ਆਪਣੇ ਦੱਸ ਸਾਲ ਸਫਲਤਾਪੂਰਵਕ ਪੂਰੇ ਕੀਤੇ ਹਨ ਅਤੇ ਇਨ੍ਹਾਂ ਸੱਤ ਸਾਲਾਂ ਦੌਰਾਨ,ਮੋਦੀ ਸਰਕਾਰ ਨੇ ਭਾਰਤ ਸਮੇਤ ਪੰਜਾਬ ਦੇ ਲੋਕਾਂ ਲਈ ਬਹੁਤ ਸਾਰੇ ਮਹੱਤਵਪੂਰਨ ਫੈਸਲੇ ਲਏ ਹਨ,
ਜਿਨ੍ਹਾਂ ਦੇ ਲਾਭ ਦੇਸ਼ ਦੇ ਹਿੱਤ ਵਿੱਚ ਆ ਰਹੇ ਹਨ।ਮੋਦੀ ਸਰਕਾਰ ਨੇ ਅੰਤਰਰਾਸ਼ਟਰੀ ਪੱਧਰ ਤੇ ਪੰਜਾਬ ਨੂੰ ਵਿਸ਼ਵ ਨਾਲ ਜੋੜਨ ਲਈ ਬਹੁਤ ਸਾਰੇ ਮਹੱਤਵਪੂਰਨ ਫੈਸਲੇ ਲਏ ਅਤੇ ਉਸਦੇ ਲਈ ਇਥੇ ਬਹੁਤ ਸਾਰੇ ਪ੍ਰਾਜੈਕਟ ਆਰੰਭ ਕੀਤੇ,ਤਾਂ ਜੋ ਅੱਜ ਪੰਜਾਬ ਧਰਤੀ ਅਤੇ ਹਵਾਈ ਰਸਤੇ ਦੇ ਜ਼ਰੀਏ ਦੁਨੀਆ ਦੇ ਮੁੱਖ ਦੇਸ਼ਾਂ ਨਾਲ ਸਿੱਧਾ ਜੁੜ ਗਿਆ ਹੈ।ਇਸ ਮੌਕੇ ਤੇ ਜ਼ਿਲ੍ਹਾ ਜਨਰਲ ਸਕਤਰ ਰਾਜੀਵ ਪਾਹਵਾ,ਜ਼ਿਲ੍ਹਾ ਜਰਨਲ ਸਕੱਤਰ ਕਪੂਰ ਚੰਦ ਥਾਪਰ,ਬਲਭਦਰ ਸੈਨ ਦੁਗਲ,ਤੇਜਸਵੀ ਭਾਰਦਵਾਜ,ਮੰਡਲ ਪਾਂਸ਼ਟਾ ਗਗਨ ਸੌਨੀ,ਚੰਦਰੇਸ਼ ਕੌਲ,ਪਰਮਜੀਤ ਪੰਮਾ,ਅਸ਼ਵਨੀ ਤੁਲੀ,ਯਾਦਵਿੰਦਰ, ਪਾਸੀ,ਬਲਵਿੰਦਰ ਠਾਕੁਰ,ਪਰਸ਼ੌਤਮ ਹੈਪੀ,ਸੰਨੀ ਬੈਂਸ,ਭਾਰਤੀ ਸ਼ਰਮਾ,ਸਤੀਸ਼ ਜੈਨ,ਸੀਮਾ ਰਾਣਾ, ਸੁਨੀਲ ਮਦਾਨ ਆਦਿ ਹਾਜ਼ਰ ਸਨ।
