ਚੋਣਾਂ ਨੇੜੇ ਆ ਚੁੱਕੀਆਂ ਹਨ ਪਾਰਟੀ ਆਗੂ ਤੇ ਵਰਕਰ ਤਿਆਰੀਆਂ ਕਰ ਲੈਣ : ਢੋਟ
ਕਪੂਰਥਲਾ 4 ਅਗਸਤ (ਗੌਰਵ ਮੜੀਆ ) ਸਰਕਾਰ ਵੱਲੋਂ ਸੂਬੇ ਵਿਚ ਪੰਚਾਇਤ ਸੰਮਤੀਆਂ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਦੀਆਂ ਆਮ ਚੋਣਾਂ 5 ਅਕਤੂਬਰ ਤੋਂ ਪਹਿਲਾਂ ਕਰਵਾਉਂਣ ਦਾ ਫੈਸਲਾ ਕੀਤਾ ਗਿਆ ਹੈ। ਪੇਂਡੂ ਵਿਕਾਸ ਅਤੇ ਪੰਚਾਇਤ ਵਿਭਾਗ ਵੱਲੋਂ ਸੂਬੇ ਦੇ ਸਾਰੇ ਐਡੀਸ਼ਨਲ ਡਿਪਟੀ ਕਮਿਸ਼ਨਰਾਂ ਨੂੰ ਹੁਕਮ ਵੀ ਜਾਰੀ ਕਰ ਦਿੱਤੇ ਗਏ ਹਨ। ਭਾਵੇਂ ਕਿ ਪੰਜਾਬ ਰਾਜ ਚੋਣ ਕਮਿਸ਼ਨ ਵੱਲੋਂ ਅਜੇ ਚੋਣਾਂ ਦੀ ਮਿਤੀ ਦਾ ਫੈਸਲਾ ਕਰਨਾ ਬਾਕੀ ਹੈ ਪਰ ਆਮ ਆਦਮੀ ਪਾਰਟੀ ਦੇ ਹਲਕਾ ਕਪੂਰਥਲਾ ਦੇ ਆਗੂਆਂ ਨੇ ਹੁਣ ਤੋਂ ਹੀ ਤਿਆਰੀਆਂ ਆਰੰਭ ਕਰ ਦਿੱਤੀਆਂ ਹਨ। ਇਸੇ ਹੀ ਸਬੰਧ ਵਿਚ ਆਮ ਆਦਮੀ ਪਾਰਟੀ ਦੇ ਹਲਕਾ ਸੰਗਠਨ ਇੰਚਾਰਜ ਪਰਵਿੰਦਰ ਸਿੰਘ ਢੋਟ ਦੀ ਅਗਵਾਈ ਵਿਚ ਦੋਨਾਂ ਇਲਾਕੇ ਦੇ ਸਾਰੇ ਪੰਚਾਂ, ਸਰਪੰਚਾਂ ਅਤੇ ਬਲਾਕ ਇੰਚਾਰਜਾਂ ਸਾਰਿਆਂ ਨੂੰ ਇਕੱਠਿਆਂ ਕਰਨ ਦੇ ਮਕਸਦ ਨਾਲ ਇਕ ਮੀਟਿੰਗ ਸੁਖਵਿੰਦਰ ਸਿੰਘ ਨੇਕੀ ਦੇ ਗ੍ਰਹਿ ਵਿਖੇ ਕੀਤੀ ਗਈ। ਜਿਸ ਵਿਚ ਦੋਨਾਂ ਇਲਾਕੇ ਦੇ ਸਾਰੇ ਪੰਚ, ਸਰਪੰਚ, ਬਲਾਕ ਇੰਚਾਰਜ ਅਤੇ ਹੋਰ ਵਰਕਰ ਇਕੱਤਰ ਹੋਏ ਅਤੇ ਜਿਹੜੀਆਂ ਦੋਨਾਂ ਇਲਾਕੇ ਦੀਆਂ ਸਮੱਸਿਆਵਾਂ ਹਨ ਉਨ੍ਹਾਂ ਬਾਰੇ ਵਿਚਾਰ ਚਰਚਾ ਕੀਤੀ ਗਈ।
ਇਸ ਮੌਕੇ ਮੀਟਿੰਗ ਦੌਰਾਨ ਗੱਲਬਾਤ ਕਰਦਿਆਂ ਆਮ ਆਦਮੀ ਪਾਰਟੀ ਦੇ ਹਲਕਾ ਸੰਗਠਨ ਇੰਚਾਰਜ ਪਰਵਿੰਦਰ ਸਿੰਘ ਢੋਟ ਨੇ ਕਿਹਾ ਕਿ ਪੰਚਾਇਤ ਸੰਮਤੀ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਦੀਆਂ ਚੋਣਾਂ ਨੇੜੇ ਆ ਚੁੱਕੀਆਂ ਹਨ ਅਤੇ ਪਾਰਟੀ ਦੇ ਆਗੂ ਅਤੇ ਵਰਕਰ ਹੁਣ ਤੋਂ ਹੀ ਤਿਆਰੀਆਂ ਕਰ ਲੈਣ। ਉਨ੍ਹਾਂ ਕਿਹਾ ਕਿ ਉਕਤ ਆਗੂਆਂ ਨਾਲ ਚੋਣਾਂ ਬਾਰੇ ਵਿਚਾਰ ਵਟਾਂਦਰਾ ਕਰਨ ਉਪਰੰਤ ਸਾਰੇ ਦੋਨਾਂ ਇਲਾਕੇ ਦੇ ਪੰਚ, ਸਰਪੰਚ ਅਤੇ ਬਲਾਕ ਇੰਚਾਰਜ ਆਦਿ ਨੇ ਸੁਖਵਿੰਦਰ ਸਿੰਘ ਨੇਕੀ ਹੁਰਾਂ ਨਾਲ ਪੂਰੀ ਤਰ੍ਹਾਂ ਨਾਲ ਸਹਿਮਤੀ ਪ੍ਰਗਟਾਈ ਅਤੇ ਉਹ ਜ਼ਿਲ੍ਹਾ ਪ੍ਰੀਸ਼ਦ ਦੇ ਕੈਡੀਡੇਟ ਦੇ ਰੂਪ ਵਿਚ ਉਨ੍ਹਾਂ ਨੂੰ ਹੀ ਦੇਖਣਾ ਚਾਹੁੰਦੇ ਹਨ, ਬਾਕੀ ਜੋ ਵੀ ਹਾਈ ਕਮਾਂਡ ਦਾ ਹੁਕਮ ਹੋਵੇਗਾ ਉਸ ਹਿਸਾਬ ਨਾਲ ਕੰਮ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਹਰ ਲੈਵਲ ’ਤੇ ਆਪਣੇ ਵਰਕਰਾਂ ਨਾਲ ਸਲਾਹ ਮਸ਼ਵਰਾ ਕਰਨ ਤੋਂ ਬਾਅਦ ਹੀ ਉਮੀਦਵਾਰ ਐਲਾਨਦੀ ਹੈ, ਇਸੇ ਸਬੰਧ ਵਿਚ ਹੀ ਅੱਜ ਦੀ ਇਹ ਮੀਟਿੰਗ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਜਿਸ ਤਰ੍ਹਾਂ ਪਹਿਲਾਂ ਸੀ ਕਿ ਕਪੂਰਥਲਾ ਜ਼ਿਲ੍ਹਾ ਤਿੰਨਾਂ ਬਲਾਕਾਂ ਦੇ ਵਿਚ ਸੁਲਤਾਨਪੁਰ, ਕਪੂਰਥਲਾ ਅਤੇ ਨਡਾਲਾ ਦੇ ਵਿਚ ਵੰਡਿਆ ਹੋਇਆ ਸੀ ਜਦਕਿ ਹੁਣ ਇਕੋ ਵਿਧਾਨ ਸਭਾ ਹਲਕਾ ਅਤੇ ਇਕੋ ਬਲਾਕ ਹੋਵੇਗਾ, ਇਸ ਲਈ ਜੋ ਵਾਰਡਬੰਦੀ ਵੀ ਦੁਬਾਰਾ ਹੋਵੇਗੀ, ਉਸ ਬਾਰੇ ਵਿਚ ਵੀ ਵਿਚਾਰ ਵਟਾਂਦਰਾ ਕੀਤਾ ਗਿਆ ਅਤੇ ਆਉਂਣ ਵਾਲੀਆਂ ਚੋਣਾਂ ਕਾਮਯਾਬੀ ਕਿਵੇਂ ਹਾਸਿਲ ਕੀਤੀ ਜਾਣੀ ਹੈ ਬਾਰੇ ਚਰਚਾ ਕੀਤੀ ਗਈ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਦਲਵਿੰਦਰ ਸਿੰਘ ਸਰਪੰਚ, ਸੁਖਵਿੰਦਰ ਸਿੰਘ ਸਰਪੰਚ, ਦਲਜੀਤ ਸਿੰਘ ਸਰਪੰਚ ਠੀਕਰੀਵਾਲ, ਬਲਾਕ ਪ੍ਰਧਾਨ ਸਤਨਾਮ ਸਿੰਘ ਕਾਲਾ ਸੰਘਿਆਂ, ਸੁਖਦੇਵ ਸਿੰਘ ਸੁੱਖਾ, ਮੁਖਤਿਆਰ ਸਿੰਘ ਪੰਚ ਠੀਕਰੀਵਾਲ, ਬੱਗਾ ਸਿੰਘ ਸਰਪੰਚ ਵਿਜੋਲਾ, ਸੁਖਵਿੰਦਰ ਸਿੰਘ ਸਰਪੰਚ ਬਲ੍ਹੇਰਖਾਨ ਪੁਰ, ਪ੍ਰੇਮ ਪਾਲ Çੰਸਘ ਸਰਪੰਚ ਚੱਕ ਦੋਨਾਂ, ਪਰਮਜੀਤ ਸਿੰਘ ਸਰਪੰਚ ਔਜਲਾ ਜੋਗੀ, ਸੁਖਦੇਵ ਸਿੰਘ ਸਰਪੰਚ ਧੰਮ, ਸ਼ਮਸ਼ੇਰ ਸਿੰਘ ਸਰਪੰਚ ਭੀਲਾ, ਵਿਕਾਸ ਮੋਮੀ ਬਲਾਕ ਪ੍ਰਧਾਨ, ਮੋਹਨ ਸਿੰਘ ਸਰਪੰਚ ਬਿਹਾਰੀਪੁਰ, ਜਸਵੰਤ ਸਿੰਘ ਸਰਪੰਚ ਭਾਣੋ ਲੰਗਾ, ਸਰਦੂਲ ਸਿੰਘ ਸਰਪੰਚ ਸਿਆਲ, ਵਿਨੋਦ ਕੁਮਾਰ ਸਰਪੰਚ ਲੋਧੀ ਭੁਲਾਣਾ, ਜਗਦੀਪ ਸਿੰਘ ਸਰਪੰਚ ਕੋਲ ਤਲਵੰਡੀ, ਕਮਲਜੀਤ ਸਿੰਘ ਸਰਪੰਚ ਖੈੜਾ ਦੋਨਾਂ, ਅਵਤਾਰ ਸਿੰਘ ਗਿੱਲ ਸਰਪੰਚ ਹੁਸੈਨਪੁਰ, ਲਖਵੀਰ ਸਿੰਘ ਗੋਪੀ ਪੰਚ ਭਾਣੋ ਲੰਗਾ, ਦਲਵੀਰ ਸਿੰਘ ਰਾਣਾ ਪੰਚ ਸੁੰਨੜਵਾਲਾ, ਗੁਰਮੀਤ ਸਿੰਘ ਪੰਚ ਆਦਿ ਤੋਂ ਇਲਾਵਾ ਹੋਰ ਆਗੂ ਅਤੇ ਵਰਕਰ ਹਾਜ਼ਰ ਸਨ।
