ਕਪੂਰਥਲਾ 20 ਮਈ (ਗੌਰਵ ਮੜੀਆ) ਪੁਰਾਣੇ ਚਰਚ ਅਤੇ ਜਗਜੀਤ ਕਲੱਬ ਦੀ ਬਹਾਲੀ ਦੇ ਸਮਰਥਨ ਲਈ ਪਾਸਟਰ ਐਸੋਸੀਏਸ਼ਨ ਭੁਲੱਥ ਅੱਗੇ ਆਈ ਹੈ। ਪਾਸਟਰ ਬਰਨਾਬਸ ਵਾਈਸ ਪ੍ਰਧਾਨ ਪਾਸਟਰ ਐਸੋਸੀਏਸ਼ਨ ਭੁਲੱਥ ਦੀ ਅਗਵਾਈ ਹੇਠ ਢਿੱਲਵਾਂ ਵਿਖੇ ਇਲਾਕੇ ਭਰ ਦੇ ਪਾਸਟਰ ਸਾਹਿਬਾਨਾਂ ਦੇ ਮੀਟਿੰਗ ਹੋਈ। ਮੀਟਿੰਗ ਵਿੱਚ ਬੈਪਟਿਸਟ ਚੈਰੀਟੇਬਲ ਸੋਸਾਇਟੀ ਦੇ ਪ੍ਰਧਾਨ ਜੋਗਾ ਸਿੰਘ ਅਟਵਾਲ ਅਤੇ ਐਸੋਸੀਏਸ਼ਨ ਪ੍ਰਧਾਨ ਜਸਵਿੰਦਰ ਬਬਲੂ ਵਿਸ਼ੇਸ਼ ਤੌਰ ‘ਤੇ ਪੁੱਜੇ। ਇਸ ਮੌਕੇ ‘ਤੇ ਬੋਲਦਿਆਂ ਬੈਪਟਿਸਟ ਚੈਰੀਟੇਬਲ ਸੋਸਾਇਟੀ ਦੇ ਪ੍ਰਧਾਨ ਜੋਗਾ ਸਿੰਘ ਅਟਵਾਲ ਨੇ ਕਿਹਾ ਕਿ ਪੁਰਾਣੇ ਚਰਚ ਅਤੇ ਅੱਜ ਦੇ ਜਗਜੀਤ ਕਲੱਬ ਦੀ ਨਿਲਾਮੀ ਕੇਵਲ 25 ਮਈ ਤੱਕ ਰੁਕੀ ਹੈ। ਪੱਕੇ ਤੌਰ ਤੇ ਖ਼ਤਰਾ ਨਹੀਂ ਟਲਿਆ ।ਊਠ ਕਿਸ ਪਾਸੇ ਕਰਵਟ ਲੈਂਦਾ ਹੈ ਇਹ ਮੌਕਾ ਹੀ ਦੱਸੇਗਾ।
ਉਹਨਾਂ ਕਿਹਾ ਕਿ ਚਰਚ ਨੂੰ ਚਰਚ ਸਾਬਿਤ ਕਰਨ ਦੇ ਲਈ ਉਹਨਾਂ ਦੀ ਸੁਸਾਇਟੀ ਵੱਲੋਂ ਬਹੁਤ ਸਾਰੇ ਸਬੂਤ ਜੁਟਾ ਲਏ ਗਏ ਹਨ ਜੋ ।ਉਹਨਾਂ ਕਿਹਾ ਕਿ ਇਸ ਮਾਮਲੇ ਦੀ ਅਵਾਜ ਸਰਕਾਰ ਦੇ ਕੰਨਾਂ ਤੱਕ ਪਹੁੰਚਾਉਣ ਲਈ ਮਿਤੀ 17 ਮਈ ਨੂੰ ਜਲੰਧਰ ਦੇ ਪ੍ਰੈਸ ਕਲੱਬ ਵਿਖੇ ਪ੍ਰੈਸ ਵਾਰਤਾ ਕੀਤੀ ਗਈ ਹੈ। ਜਸਵਿੰਦਰ ਬਬਲੂ ਪ੍ਰਧਾਨ ਪਾਸਟਰ ਐਸੋਸੀਏਸ਼ਨ ਭੁਲੱਥ ਨੇ ਕਿਹਾ ਕਿ ਉਨਾਂ ਦੀ ਐਸੋਸੀਏਸ਼ਨ ਪੁਰਾਣੇ ਚਰਚ ਨੂੰ ਆਜ਼ਾਦ ਕਰਾਉਣ ਦੀ ਲੜਾਈ ਲੜ ਰਹੀ ਸਮਾਜ ਸੇਵੀ ਸੰਸਥਾ ਬੈਪਟਿਸਟ ਚੈਰੀਟੇਬਲ ਸੁਸਾਇਟੀ ਦੇ ਸਮਰਥਨ ਵਿੱਚ ਹਨ।ਉਹਨਾਂ ਕਿਹਾ ਕਿ ਇਸ ਸੰਘਰਸ਼ ਵਿੱਚ ਵੱਧ ਤੋਂ ਵੱਧ ਯੋਗਦਾਨ ਦਿੱਤਾ ਜਾਵੇਗਾ।
ਇਸ ਮੌਕੇ ਪਾਸਟਰ ਮਲੂਕ ਵਲੋਂ ਪਵਿੱਤਰ ਬਾਈਬਲ ਵਿਚੋਂ ਖ਼ੁਦਾ ਦਾ ਕਾਲਮ ਸਾਂਝਾ ਕੀਤਾ ਗਿਆ ।ਪਾਸਟਰ ਕਰਤਾਰ ਜੀ,ਪਾਸਟਰ ਐਰਕ ਪਾਸਟਰ ਬਲਦੇਵ ਸੋਨੀ, ਮਾਸਟਰ ਹਰਜਿੰਦਰ ਸਿੰਘ ,ਪਾਸਟਰ ਮਹਿੰਦਰ ਪਾਲ,ਪਾਸਟਰ ਮਨਪ੍ਰੀਤ ,ਪਾਸਟਰ ਸਰਵਣ ਸ਼ਰਮਾ,ਪਾਸਟਰ ਅਸ਼ਰ,ਪਾਸਟਰ ਲਤੀਫ ਮਸੀਹ ,ਪਾਸਟਰ ਵਿਜੇ ,ਪਾਸਟਰ ਸੁਖਵਿੰਦਰ,ਪਾਸਟਰ ਮਲੂਕ ,ਪਾਸਟਰ ਮਨਪ੍ਰੀਤ ਅਤੇ ਬ੍ਰਦਰ ਗੋਪੀ ਬਰਦਰ ਨਵੀ ਹਾਜ਼ਰ ਰਹੇ ।ਪੁਰਾਣੇ ਚਰਚ ਅਤੇ ਅੱਜ ਦੇ ਜਗਜੀਤ ਕਲੱਬ ਦੀ ਬਹਾਲੀ ਦੇ ਸਮਰਥਨ ਲਈ ਪਾਸਟਰ ਐਸੋਸੀਏਸ਼ਨ ਭੁਲੱਥ ਅੱਗੇ ਆਈ ਹੈ।
