ਕਪੂਰਥਲਾ ( ਗੌਰਵ ਮੜੀਆ ) ਈ -ਰਿਕਸ਼ਾ ਯੂਨੀਅਨ ਕਪੂਰਥਲਾ ਦੇ ਪ੍ਰਧਾਨ ਮਨਵਿੰਦਰ ਸਿੰਘ ਹੈਪੀ ਨੇ ਪ੍ਰੈਸ ਕਾਨਫਰੰਸ ਕਰਕੇ ਦੱਸਿਆ ਕਿ ਕਪੂਰਥਲਾ ਚ ਆਟੋ ਚਾਲਕਾਂ ਵਲੋਂ ਈ -ਰਿਕਸ਼ਾ ਚਾਲਕਾਂ ਨੂੰ ਨਾਜਾਇਜ਼ ਤੰਗ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ ਓਹਨਾ ਨੂੰ ਸਵਾਰੀ ਚੁੱਕਣ ਨਹੀਂ ਦਿੱਤੀ ਜਾ ਰਹੀ ਹੈ ਜੇਕਰ ਸਵਾਰੀ ਬਿਠਾਕੇ ਈ ਰਿਕਸ਼ਾ ਆਪਣੀ ਮੰਜਿਲ ਵੱਲ ਜਾ ਰਿਹਾ ਹੁੰਦਾ ਹੈ
ਤੇ ਕੋਈ ਨਾ ਕੋਈ ਉਸ ਰੂਟ ਦਾ ਆਟੋ ਚਾਲਕ ਈ ਰਿਕਸ਼ਾ ਚਾਲਕ ਨੂੰ ਰੋਕ ਕੇ ਸਵਾਰੀ ਉਤਰਵਾ ਦਿੰਦੇ ਹਨ ਜਿਹਨਾਂ ਵਿੱਚ ਔਰਤਾਂ ਤੇ ਲੜਕੀਆਂ ਵੀ ਬੈਠੀਆਂ ਹੁੰਦੀਆਂ ਹਨ ਇਸ ਤੋਂ ਅਲਾਵਾ ਰਿਕਸ਼ਾ ਚਾਲਕ ਦੀ ਰਿਕਸ਼ਾ ਦੀ ਚਾਬੀ ਕੱਢ ਲਿੰਦੇ ਹਨ ਤੇ ਚਾਲਕ ਨੂੰ ਗਾਲ ਮੰਦਾ ਬੋਲਦੇ ਹਨ ਅਤੇ ਕਈ ਵਾਰ ਮਾਰ ਕੁਟਾਈ ਵੀ ਕਰਦੇ ਹਨ ਇਸ ਤੋਂ ਅਲਾਵਾ ਈ ਰਿਕਸ਼ਾ ਚਾਲਕ ਨੂੰ 1000 ਰੁਪਏ ਜਾ ਇਸ ਤੋਂ ਵੀ ਵੱਧ ਨਾਜਾਇਜ਼ ਜੁਰਮਾਨਾ ਪਾਕੇ ਗੁੰਡਾ ਟੈਕਸ ਵਸੂਲਦੇ ਹਨ
ਪ੍ਰਧਾਨ ਹੈਪੀ ਨੇ ਕਿਹਾ ਕਿ ਇਸ ਸਾਰੀ ਧੱਕੇਸ਼ਾਹੀ ਪਿੱਛੇ ਆਟੋ ਚਾਲਕਾਂ ਤੇ ਇੱਕ ਸਿਆਸੀ ਲੀਡਰ ਦਾ ਹੱਥ ਹੈ ਜਿਸਦੀ ਸ਼ਹਿ ਤੇ ਇਹ ਕਪੂਰਥਲਾ ਚ ਆਟੋ ਚਾਲਕਾਂ ਦੀ ਨਾਜਾਇਜ਼ ਧੱਕੇਸ਼ਾਹੀ ਹੋ ਰਹੀ ਹੈ ਯੂਨੀਅਨ ਦੇ ਪ੍ਰਧਾਨ ਮਨਿੰਦਰ ਸਿੰਘ ਹੈਪੀ ਅਤੇ ਸਮੂਹ ਈ ਰਿਕਸ਼ਾ ਚਾਲਕਾਂ ਨੇ ਜਿਲਾ ਪ੍ਰਸਾਸ਼ਨ ਤੇ ਪੁਲਿਸ ਪ੍ਰਸਾਸ਼ਨ ਤੋਂ ਪੁਰਜ਼ੋਰ ਮੰਗ ਕੀਤੀ ਕਿ ਆਟੋ ਚਾਲਕਾਂ ਦੀ ਗੁੰਡਾਗਰਦੀ ਬੰਦ ਕਰਵਾਈ ਜਾਵੇ ਤੇ ਇਹਨਾਂ ਤੇ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ
