ਜਲੰਧਰ 06 : ਪੰਜਾਬ ਸਟੇਟ ਮਨਿਸਟਰੀਅਲ ਸਰਵਿਸ ਯੂਨੀਅਨ ਪੰਜਾਬ ਆਪਣੀਆਂ ਮੰਗਾ ਨੂੰ ਲੈਕੇ ਪਿਛਲੇ ਕਾਫੀ ਸਮੇ ਤੋਂ ਕਲਮ ਛੋੜ ਹੜਤਾਲ ਕਰ ਰਹੀ ਹੈ , ਅਤੇ ਲਗਾਤਾਰ ਹਰ ਰੋਜ ਪੰਜਾਬ ਸਰਕਾਰ ਦੇ ਅੜੀਅਲ ਰਵੀਏ ਕਾਰਨ ਧਰਨੇ ਪ੍ਰਦਰਸ਼ਨ ਕਰ ਰਹੀ ਹੈ , ਯੂਨਿਅਨ ਦੁਵਾਰਾ ਲਗਾਏ ਜਾ ਰਹੇ ਸਰਕਾਰ ਵਿਰੋਧੀ ਧਰਨਿਆਂ ਕਾਰਨ ਪੰਜਾਬ ਦੀ ਜਨਤਾ ਨੂੰ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ,ਅਤੇ ਹਰ ਰੋਜ ਹਜ਼ਾਰਾਂ ਲੋਕ ਪੰਜਾਬ ਦੀਆ ਤਹਿਸੀਲਾਂ ਵਿਚ ਆਪਣਾ ਕੰਮ ਕਰਵਾਉਣ ਆਉਂਦੇ ਹੈ ਪਰ ਨਿਰਾਸ਼ ਹੀ ਵਾਪਿਸ ਚਲੇ ਜਾਂਦੇ ਹਨ
ਅੱਜ ਪੰਜਾਬ ਸਟੇਟ ਮਨਿਸਟਰੀਅਲ ਸਰਵਿਸ ਯੂਨੀਅਨ ਪੰਜਾਬ ਦੀ ਦੁਵਾਰਾ ਹੋਈ ਆਨਲਾਈਨ ਮੀਟਿੰਗ ਵਿੱਚ ਫੈਸਲੇ ਲਏ ਗਏ ਹਨ, ਮਿਤੀ 08.11.2023 ਤੋਂ ਲਗਾਤਾਰ ਚੱਲ ਹੀ ਆ ਰਹੀ ਕਲਮ ਛੋੜ/ ਕੰਪਿਊਟਰ ਬੰਦ ਹੜਤਾਲ ਨੂੰ ਮਿਤੀ 11.12.2023 ਤੱਕ ਵਧਾਇਆ ਜਾਂਦਾ ਹੈ, ਹੜਤਾਲ ਦੌਰਾਨ ਸਮੁੱਚੇ ਦਫਤਰੀ ਕਾਮੇ ਆਪਣੀ ਹਾਜ਼ਰੀ ਲਗਾ ਕੇ ਖ਼ਜ਼ਾਨਾ ਦਫਤਰਾਂ ਦੇ ਬਾਹਰ ਦਰੀਆਂ ਤੇ ਬੈਠਣਗੇ ਕੋਈ ਵੀ ਦਫਤਰੀ ਕਰਮਚਾਰੀ ਆਪਣੀ ਸੀਟ ਤੇ ਨਹੀਂ ਬੈਠੇਗਾ। ਇਸ ਦੌਰਾਨ ਜੇਕਰ ਕੋਈ ਵੀ ਕੈਬਨਿਟ ਮੰਤਰੀ ਕਿਸੇ ਜਿਲ੍ਹੇ ਵਿੱਚ ਸਰਕਾਰੀ ਦੌਰੇ ਤੇ ਆਉਂਦਾ ਹੈ ਤਾਂ ਉਸ ਦਾ ਕਾਲੇ ਝੰਡਿਆਂ ਨਾਲ ਵਿਰੋਧ ਕੀਤਾ ਜਾਵੇਗਾ।
ਅਤੇ 08.12.2023 ਨੂੰ ਜਥੇਬੰਦੀਆਂ ਨੂੰ ਨਾਲ ਲੈ ਕੇ ਸਮੁੱਚੇ ਪੰਜਾਬ ਡੀ.ਸੀ ਦਫਤਰਾਂ ਦੇ ਸਾਹਮਣੇ ਇਕੱਠੇ ਹੋ ਕੇ ਵਹੀਕਲ ਮਾਰਚ ਕਰਦੇ ਹੋਏ ਸਮੁੱਚੇ ਪੰਜਾਬ ਵਿੱਚ ਐਮ.ਐਲ.ਏ/ਮੰਤਰੀਆਂ (ਜਿੱਥੇ ਆਮ ਆਦਮੀ ਪਾਰਟੀ ਦਾ ਕੋਈ ਐਮ.ਐਲ.ਏ /ਮੰਤਰੀ ਨਾ ਹੋਵੇ ਉੱਥੇ ਆਮ ਆਦਮੀ ਪਾਰਟੀ ਦੇ ਹਲਕਾ ਇੰਨਚਾਰਜ ਦੇ ਦਫਤਰਾਂ)ਦੇ ਦਫਤਰਾਂ ਦਾ ਘਰਾਓ ਕੀਤਾ ਜਾਵੇਗਾ ਅਤੇ 11.12.2023 ਸਮੁੱਚੇ ਦਫਤਰਾਂ ਦੀ ਤਾਲਾਬੰਦੀ ਕਰਕੇ ਸਮੂਹ ਮਨਿਟਟੀਰੀਅਲ ਕਾਮੇ ਡੀ.ਸੀ ਦਫਤਰਾਂ ਜਾਂ ਖਜ਼ਾਨਾ ਦਾ ਦਫਤਰਾਂ ਦੇ ਬਾਹਰ ਪੂਰਾ ਦਿਨ ਧਰਨੇ ਦੇਣਗੇ ਤੇ ਮਿਤੀ 11.12.2023 ਨੂੰ ਸੂਬਾ ਬਾਡੀ ਦੀ ਮੀਟਿੰਗ ਕਰਕੇ ਹੋਰ ਸਖਤ ਐਕਸ਼ਨ ਉਲੀਕਿਆ ਜਾਵੇਗਾ ਜੀ| ਅਤੇ ਮਿਤੀ 09.12.2023 ਨੂੰ ਸੀ.ਪੀ.ਐਫ ਕਰਮਚਾਰੀ ਯੂਨੀਅਨ ਵੱਲੋਂ ਮੋਹਾਲੀ ਵਿਖੇ ਕੀਤੀ ਜਾ ਰਹੀ ਰੈਲੀ ਦਾ ਸਮਰਥਨ ਕਰਨ ਦਾ ਫੈਸਲਾ ਲਿਆ ਗਿਆ
