ਕਪੂਰਥਲਾ 21 ਜੂਨ (ਗੌਰਵ ਮੜੀਆ) ਗੁਰੂ ਨਾਨਕ ਸਟੇਡੀਅਮ ਕਪੂਰਥਲਾ ਤੋਂ ਸ਼ੁਰੂ ਹੋਈ ਸਾਈਕਲ ਯਾਤਰਾ “ਯੁੱਧ ਨਸ਼ਿਆਂ ਵਿਰੁੱਧ” ਜਾਗਰੂਕਤਾ ਅਭਿਆਨ ਦੇ ਹਿੱਸੇ ਵਜੋਂ ਕਪੂਰਥਲਾ ਪੁਲਿਸ ਦੇ ਸਹਿਯੋਗ ਨਾਲ ਆਯੋਜਿਤ ਕੀਤੀ ਗਈ।ਇਸ ਮੌਕੇ ਡਿਪਟੀ ਕਮਿਸ਼ਨਰ ਅਮਿਤ ਕੁਮਾਰ ਪੰਚਾਲ,ਐਸ ਐਸ ਪੀ ਗੌਰਵ ਤੂਰਾ ਸਹਿਤ ਸੈਂਕੜੇ ਸਾਈਕਲ ਸਵਾਰਾਂ, ਵਿਦਿਆਰਥੀਆਂ, ਨਾਗਰਿਕਾਂ, ਸਮਾਜ ਸੇਵਕਾਂ,ਸਰਕਾਰੀ ਮੁਲਾਜ਼ਿਮਾਂ ਅਤੇ ਪੁਲਿਸ ਟੀਮਾਂ ਦੀ ਭਾਗੀਦਾਰੀ ਨਾਲ ਕਪੂਰਥਲਾ ਵਾਸੀਆਂ ਵਿੱਚ ਨਵੀਂ ਉਮੀਦ ਜਗਾਈ।ਇਹ ਮੁਹਿੰਮ ਸਿਰਫ ਸਾਈਕਲ ਚਲਾਉਣ ਦੀ ਨਹੀਂ ਸੀ – ਇਹ ਸਿਹਤਮੰਦ ਜੀਵਨ ਸ਼ੈਲੀ, ਨਸ਼ੇ ਤੋਂ ਮੁਕਤੀ, ਅਤੇ ਕਪੂਰਥਲਾ ਦੀ ਵਿਰਾਸਤ ਲਈ ਜਾਗਰੂਕਤਾ ਦਾ ਸੰਦੇਸ਼ ਸੀ।
ਇਸ ਮੌਕੇ ਸੰਤ ਬਲਬੀਰ ਸਿੰਘ ਸੀਚੇਵਾਲ ਜੀ ਰਾਜ ਸਭਾ ਮੈਂਬਰ, ਕਪੂਰਥਲਾ ਪੁਲਿਸ ਕਪਤਾਨ ਗੌਰਵ ਤੂਰਾ ਜੀ ਅਤੇ ਐਸ ਪੀ ਹੈਡ ਕਵਾਟਰ ਗੁਰਪ੍ਰੀਤ ਸਿੰਘ ਗਿੱਲ ਜੀ ਵਲੋ ਸਾਡੀ ਟੀਮ: ਆਕਾਸ਼ ਕਪੂਰ, ਜਸਕਮਲ ਕੌਰ, ਸ਼ਿਵਾਨੀ, ਹਨੀ ਕੁਮਾਰ (ਕਪੂਰਥਲਾ ਸਿਟੀ ਆਫ ਪੈਲੇਸਿਜ਼) ਨਵਦੀਪ ਸਿੰਘ, ਵਿਸ਼ਾਲ ਕੁਮਾਰ, ਗੁਰਸਿਮਰਨ ਸਿੰਘ, ਕਮਲਜੀਤ, ਪਵਨ, ਚੇਤਨ (ਨਵਦੀਪ ਸਿੰਘ ਫਿਲਮਜ਼) ਰੋਹਿਤ ਕੰਡਾ, ਅਰੁਣ (ਰੋਹਿਤ ਕੰਡਾ ਟੀਮ) ਪੰਕਜ ਠਾਕੁਰ, ਮੁਸਕਾਨ, ਅੰਸ਼ੁਲ, ਕੋਮਲ, ਵੰਸ਼, ਨਵਜੋਤ, ਅਰਵਿੰਦਰ, ਕਮਲ, ਸ਼ਰਨਪ੍ਰੀਤ (ਫਸਟ ਕਰਾਈ ਟੀਮ) ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।ਇਨ੍ਹਾਂ ਸਾਰਿਆਂ ਨੇ ਦਿਲੋਂ ਸੇਵਾ ਕਰਕੇ ਇਹ ਇਵੈਂਟ ਯਾਦਗਾਰ ਬਣਾਇਆ।
ਸਾਈਕਲੋਥਾਨ ਦੇ ਰਾਹ ਵਿਚ ਪਾਣੀ, ਫਲ, ਜੂਸ ਅਤੇ ਲੱਸੀ ਦੇ ਸਟਾਲ ਲਗਾਏ ਗਏ। ਸਿਹਤ ਸਹੂਲਤਾਂ ਲਈ ਐਂਬੂਲੈਂਸ ਅਤੇ ਫਿਜਿਓਥੈਰੇਪੀ ਟੀਮ (ਡਾ. ਅੰਬਰ ਕਪੂਰ, ਡਾ. ਨਵਜੋਤ ਕੌਰ, ਡਾ. ਦਪਿੰਦਰ ਸਿੰਘ) ਵੀ ਉਪਲਬਧ ਰਹੇ।ਅਸੀਂ ਸਿਰਫ ਇੱਥੇ ਨਹੀਂ ਰੁਕਣੇ – ਅਸੀਂ ਵਚਨਬੱਧ ਹਾਂ ਕਿ ਭਵਿੱਖ ਵਿੱਚ ਵੀ ਸਮਾਜਿਕ ਸੇਵਾ ਜਾਰੀ ਰਖਾਂਗੇ। ਸਾਡਾ ਅਗਲਾ ਯਤਨ –ਕਪੂਰਥਲਾ ਦੇ ਹਰ ਸਰਕਾਰੀ ਦਫਤਰ (ਜਿਵੇਂ ਕਿ ਐਡਮਿਨਿਸਟ੍ਰੇਸ਼ਨ ਬਲਾਕ, ਮਿਊਂਸਿਪਲ ਕਾਰਪੋਰੇਸ਼ਨ, ਸਿਵਲ ਹਸਪਤਾਲ, ਸਕੂਲਾਂ ਆਦਿ) ‘ਚ ਵਿਰੱਖਸ਼ਾਰੋਪਣ ਮੁਹਿੰਮ ਚਲਾਈ ਜਾਵੇਗੀ। ਇਸ ਦਾ ਉਦੇਸ਼ ਨਿਰਵਿ ਘਰਤ ਵਾਤਾਵਰਣ ਦੀ ਸੁਰੱਖਿਆ, ਹਰਾ-ਭਰਾ ਕਪੂਰਥਲਾ ਅਤੇ ਲੋਕ ਭਲਾਈ ਹੈ।ਸਾਡੀ ਟੀਮ ਨਿਰੰਤਰ ਸਮਰਪਿਤ ਹੈ — ਨਸ਼ਾ ਮੁਕਤ ਸਮਾਜ, ਸਿਹਤਮੰਦ ਜੀਵਨ ਅਤੇ ਸਾਫ ਸੂਥਰਾ ਵਾਤਾਵਰਣ ਸਾਡਾ ਲਕਸ਼ ਹੈ। ਸਾਡੇ ਨਾਲ ਜੁੜੇ ਰਹੋ, ਸਾਥ ਦਿਓ – ਕਿਉਂਕਿ ਕਪੂਰਥਲਾ ਸਿਰਫ ਇੱਕ ਸ਼ਹਿਰ ਨਹੀਂ, ਸਾਡੀ ਜ਼ਿੰਮੇਵਾਰੀ ਵੀ ਹੈ।
