ਕਪੂਰਥਲਾ (ਗੌਰਵ ਮੜੀਆ ) ਅੱਜ ਦ ਓਪਨ ਡੋਰ ਚਰਚ ਖੋਜੇਵਾਲ ਵਿਖੇ ਹਰ ਐਤਵਾਰ ਦੀ ਤਰ੍ਹਾਂ ਪ੍ਰਾਰਥਨਾ ਸਭਾ ਦਾ ਆਯੋਜਨ ਹੋਇਆ ਜਿਸ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸੰਗਤਾਂ ਨੇ ਭਾਗ ਲਿਆ। ਅੱਜ ਦੀ ਪ੍ਰਾਰਥਨਾ ਸਭਾ ਤੋਂ ਬਾਅਦ ਪ੍ਰਧਾਨ ਸੰਧਾਵਾਲੀਆ ਜੀ ਨੇ ਸਮੂਹ ਸੰਗਤਾਂ ਦੇ ਇਕੱਠ ਵਿੱਚ ਬਰਦਰ ਰਾਜਵਿੰਦਰ ਸਿੰਘ ਨੂੰ ਚਰਚ ਵਿੱਚ ਯੂਥ ਪ੍ਰਧਾਨ ਐਲਾਨਿਆ ਅਤੇ ਸੰਗਤਾਂ ਨੂੰ ਆਉਣ ਵਾਲੀਆਂ ਦਰਪੇਸ਼ ਮੁਸ਼ਕਲਾਂ ਦਾ ਹੱਲ ਕਰਨ ਲਈ ਯੂਥ ਦਾ ਗਠਨ ਕੀਤਾ। ਉਪਰੰਤ ਬਰਦਰ ਰਾਜਵਿੰਦਰ ਸਿੰਘ ਨੇ ਸਮੂਹ ਸੰਗਤਾਂ ਵਿੱਚ ਖਲੋ ਕੇ ਆਪਣਾ ਇੱਕ ਪਰਨ ਪੱਤਰ ਵੀ ਪੜਿਆ ਜਿਸ ਵਿੱਚ ਬਰਦਰ ਰਾਜਵਿੰਦਰ ਸਿੰਘ ਨੇ ਪ੍ਰਭੂ ਯਿਸੂ ਮਸੀਹ ਜੀ ਨੂੰ ਹਾਜ਼ਰ ਸਮਝਦਿਆਂ ਹੋਇਆਂ ਪਰਨ ਕੀਤਾ ਕਿ ਮੈਂ ਆਪਣੀ ਸਮੂਹ ਮੈਨੇਜਮੈਂਟ ਦੇ ਅਧੀਨ ਰਹਿੰਦਿਆਂ ਹੋਇਆ ਜੋ ਵੀ ਕੰਮ ਮੈਨੂੰ ਸੌਂਪਿਆ ਜਾਵੇਗਾ ਮੈਂ ਉਸਨੂੰ ਤਨ ਦੇਹੀ ਨਾਲ ਨਿਭਾਵਾਂਗਾ
ਉਪਰੰਤ ਸੰਗਤਾਂ ਨੂੰ ਪ੍ਰਧਾਨ ਸੰਦਾਵਾਲੀਆ ਨੇ ਦੱਸਿਆ ਕਿ ਰਾਜਵਿੰਦਰ ਸਿੰਘ ਪਿਛਲੇ ਬਹੁਤ ਸਮੇਂ ਤੋਂ ਪ੍ਰਭੂ ਯਿਸੂ ਮਸੀਹ ਜੀ ਦੇ ਚਰਨਾਂ ਨਾਲ ਜੁੜ ਕੇ ਬਹੁਤ ਹੀ ਅਣਥੱਕਤਾ ਅਤੇ ਦਲੇਰੀ ਨਾਲ ਸੇਵਾਦਾਰੀ ਦਾ ਕੰਮ ਕਰ ਰਹੇ ਹਨ ਜਿਸ ਨੂੰ ਵੇਖਦਿਆਂ ਹੋਇਆ ਅੱਜ ਸਮੂਹ ਮੈਨੇਜਮੈਂਟ ਨੇ ਪਾਸਟਰ ਹਰਪ੍ਰੀਤ ਦਿਓਲ ਜੀ ਅਤੇ ਪਾਸਟਰ ਗੁਰਸ਼ਰਨ ਦਿਓਲ ਜੀ ਦੀ ਰਹਿਨੁਮਾਈ ਵਿੱਚ ਇਹ ਫੈਸਲਾ ਲਿਆ ਕਿ ਬਰਦਰ ਰਾਜਵਿੰਦਰ ਸਿੰਘ ਨੂੰ ਚਰਚ ਵੱਲੋਂ ਯੂਥ ਪ੍ਰਧਾਨ ਐਲਾਨ ਦਿੱਤਾ ਜਾਵੇ ਤਾਂ ਕਿ ਸੰਗਤਾਂ ਨੂੰ ਆਉਣ ਵਾਲੇ ਸਮੇਂ ਵਿੱਚ ਕਿਸੇ ਵੀ ਤਰਹਾਂ ਦੀ ਮੁਸ਼ਕਿਲ ਦਾ ਸਾਹਮਣਾ ਨਾ ਕਰਨਾ ਪਵੇ।
