ਕਪੂਰਥਲਾ (ਗੌਰਵ ਮੜੀਆ) ਦ ਓਪਨ ਡੋਰ ਚਰਚ ਖੋਜੇਵਾਲ ਵਿਖੇ ਦੁੱਖ ਨਿਵਾਰਨ ਸਭਾਵਾਂ ਬਹੁਤ ਹੀ ਆਤਮਿਕ ਅਤੇ ਸ਼ਰਧਾ ਪੂਰਵਕ ਸੰਪੰਨ ਹੋਈਆਂ। ਹਰੇਕ ਐਤਵਾਰ ਦੀ ਤਰ੍ਹਾਂ ਦ ਓਪਨ ਡੋਰ ਚਰਚ ਖੋਜੇਵਾਲ ਵਿੱਚ ਬਹੁਤ ਹੀ ਵਿਸ਼ਾਲ ਪ੍ਰਾਰਥਨਾ ਸਭਾ ਹੋਈ ਅਤੇ ਅੱਜ ਦੀ ਪ੍ਰਾਰਥਨਾ ਸਭਾ ਦੁੱਖ ਨਿਵਾਰਨ ਸਭਾ ਦੇ ਰੂਪ ਵਿੱਚ ਆਯੋਜਨ ਕੀਤੀ ਗਈ। ਜਿਸ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸੰਗਤਾਂ ਨੇ ਪਹੁੰਚ ਕੇ ਆਪਣੇ ਆਪਣੇ ਜੀਵਨ ਵਿੱਚ ਆ ਰਹੀਆਂ ਮੁਸ਼ਕਲਾਂ, ਪਰੇਸ਼ਾਨੀਆਂ,ਬਿਮਾਰੀਆਂ,ਲਾਚਾਰੀਆਂ ਕੋਲੋਂ ਛੁਟਕਾਰਾ ਪਾਇਆ। ਅੱਜ ਦੀ ਦੁੱਖ ਨਿਵਾਰਨ ਸਭਾ ਵਿੱਚ ਵਿਸ਼ੇਸ਼ ਤੌਰ ਤੇ ਮੁੱਖ ਪਾਸਟਰ ਹਰਪ੍ਰੀਤ ਦਿਓਲ ਜੀ ਅਤੇ ਪਾਸਟਰ ਗੁਰਸਰਨ ਦਿਓਲ ਜੀ ਨੇ ਸੰਗਤਾਂ ਨਾਲ ਪਵਿੱਤਰ ਬਾਈਬਲ ਵਿੱਚੋਂ ਪ੍ਰਵਚਨ ਕਰਦੇ ਹੋਏ ਬਹੁਤ ਹੀ ਆਤਮਕ ਤਰੀਕੇ ਨਾਲ ਸੰਗਤਾਂ ਨਾਲ ਸਾਂਝ ਪਾਈ ਅਤੇ ਦੱਸਿਆ ਕੇ ਕੀ ਕਾਰਨ ਹਨ ਜੋ ਸਾਡੀ ਜ਼ਿੰਦਗੀ ਇਨੀ ਦੁੱਖਾਂ ਕਲੇਸ਼ਾਂ, ਪਰੇਸ਼ਾਨੀਆਂ,ਬਿਮਾਰੀਆਂ,ਲਾਚਾਰੀਆਂ ਨਾਲ ਘਿਰੀ ਹੋਈ ਹੈ।
ਤਿੰਨ ਦਿਨਾਂ ਵਿਚ ਹੋਈਆਂ ਦੁਖ ਨਿਵਾਰਨ ਸੰਭਾਵਾ ਵਿੱਚ ਵਿਸ਼ੇਸ਼ ਤੌਰ ਤੇ ਸੰਗਤਾਂ ਨੂੰ ਇਹੀ ਸਮਝਾਇਆ ਗਿਆ ਕਿ ਆਪਣੇ ਆਪਣੇ ਜੀਵਨ ਵਿੱਚੋਂ ਹਰ ਤਰ੍ਹਾਂ ਦੇ ਪਾਪ ਤੋਂ ਤੌਬਾ ਕਰਕੇ ਜੂਠ ਝੂਠ ਨਿੰਦਿਆ ਚੁਗਲੀ ਫਰੇਬ ਆਦਿ ਕੋਲੋਂ ਬਚ ਕੇ ਆਪਣੇ ਜੀਵਨ ਵਿੱਚ ਪਵਿੱਤਰਤਾਈ ਕਿਵੇਂ ਪੈਦਾ ਕਰਨੀ ਹੈ। ਵਿਸ਼ੇਸ਼ ਤੌਰ ਤੇ ਦੱਸਿਆ ਗਿਆ ਕਿ ਹਰ ਇੱਕ ਇਨਸਾਨ ਉਸ ਪਿਤਾ ਪਰਮੇਸ਼ਵਰ ਅਕਾਲ ਪੁਰਖ ਵਾਹਿਗੁਰੂ ਜੀ ਦੀ ਸਿਰਜਣਾ ਹੈ ਤੇ ਆਪਾਂ ਸਭ ਨੇ ਹਰ ਤਰ੍ਹਾਂ ਦੀ ਈਰਖਾ ਦਵੈਤ ਧਰਮੀ ਵਿੱਤਕਰੇ ਜਾਤਾਂ ਪਾਤਾਂ ਤੋਂ ਉਪਰ ਉੱਠ ਕੇ ਸੱਚੇ ਸੁੱਚੇ ਇਨਸਾਨ ਬਣ ਕੇ ਹਰ ਇਕ ਇਨਸਾਨ ਨਾਲ ਆਪਣੇ ਜਿੰਨਾ ਹੀ ਪਿਆਰ ਕਰਨਾ ਹੈ ਤਾਂ ਕਿ ਅਸੀਂ ਸੱਚ ਮੁੱਚ ਪਹਿਚਾਣੇ ਜਾ ਸਕੀਏ ਕਿ ਅਸੀਂ ਪ੍ਰਭੂ ਯਿਸੂ ਮਸੀਹ ਜੀ ਦੇ ਹੀ ਬੱਚੇ ਹਾਂ।
ਸਾਨੂੰ ਸਭ ਨੂੰ ਆਪਣੇ ਜੀਵਨ ਵਿੱਚ ਪ੍ਰਭੂ ਯਿਸੂ ਮਸੀਹ ਜੀ ਵਾਲਾ ਸੁਭਾਵ ਪੈਦਾ ਕਰਨ ਦੀ ਜਰੂਰਤ ਹੈ। ਅਤੇ ਉਹਨਾਂ ਦੇ ਦੱਸੇ ਗਏ ਪਵਿੱਤਰ ਵਚਨਾਂ ਨੂੰ ਆਪਣੀ ਜ਼ਿੰਦਗੀ ਦਾ ਆਧਾਰ ਬਣਾਉਣਾ ਚਾਹੀਦਾ ਹੈ। ਅਖੀਰ ਵਿੱਚ ਮੁੱਖ ਪਾਸਟਰ ਹਰਪ੍ਰੀਤ ਦਿਓਲ ਜੀ ਅਤੇ ਪਾਸਟਰ ਗੁਰਸ਼ਰਨ ਦਿਓਲ ਜੀ ਨੇ ਸਮੂਹ ਸੰਗਤਾਂ ਵਿੱਚ ਜਾ ਕੇ ਹਰੇਕ ਲਈ ਵਿਸ਼ੇਸ਼ ਪ੍ਰਾਰਥਨਾਵਾਂ ਕੀਤੀਆਂ ਅਤੇ ਨਾਲ ਹੀ ਸਰਬੱਤ ਦੇ ਭਲੇ ਲਈ ਆਪਣੇ ਪ੍ਰਾਂਤ ਪੰਜਾਬ ਲਈ ਅਤੇ ਆਪਣੇ ਪਿਆਰੇ ਦੇਸ਼ ਭਾਰਤ ਵਿਚ ਵੱਸਦੇ ਹਰੇਕ ਪ੍ਰਾਣੀ ਲਈ ਹਰ ਤਰਹਾਂ ਦੀ ਸੁੱਖ ਸ਼ਾਂਤੀ ਲਈ ਪ੍ਰਾਰਥਨਾਵਾਂ ਕੀਤੀਆਂ ਇਹਨਾਂ ਦੁੱਖ ਨਿਵਾਰਨ ਸਭਾਵਾਂ ਵਿੱਚ ਬਹੁਤ ਭਾਰੀ ਗਿਣਤੀ ਵਿੱਚ ਸੰਗਤਾਂ ਨੇ ਆਪਣੇ ਆਪਣੇ ਜੀਵਨ ਵਿੱਚ ਬਦਲਾਓ ਪੈਦਾ ਕੀਤਾ ਅਤੇ ਪਰਮੇਸ਼ਵਰ ਜੀ ਦਾ ਬਖਸ਼ਿਆ ਆਨੰਦ ਹਾਸਲ ਕੀਤਾ।
