ਇੰਗਲੈਂਡ (ਗੌਰਵ ਮੜੀਆ) : ਬ੍ਰਿਟਸ ਦੇਸੀ ਸੋਸਾਇਟੀ (ਬੀਡੀਐਸ) ਨੇ 28 ਦਸੰਬਰ 2024 ਨੂੰ ਉਤਸਵ ਬੈਂਕਵੇਟਿੰਗ ਹਾਲ, ਲੈਸਟਰ, ਯੂ.ਕੇ. ਵਿਖੇ ਚਾਰ ਸਾਹਿਬਜਾਦਿਆ ਦਾ ਸ਼ਹੀਦੀ ਦਿਵਸ ਤੇ ਇੱਕ ਰਾਸ਼ਟਰੀ-ਪੱਧਰੀ ਸਮਾਗਮ ਦੀ ਮੇਜ਼ਬਾਨੀ ਕੀਤੀ। ਇਸ ਸਮਾਗਮ ਵਿੱਚ ਚਾਰ ਸਾਹਿਬਜ਼ਾਦਿਆ ਦੀ ਬੇਮਿਸਾਲ ਬਹਾਦਰੀ ਅਤੇ ਕੁਰਬਾਨੀਆਂ ਦਾ ਸਨਮਾਨ ਕੀਤਾ ਗਿਆ। ਇਸ ਸਮਾਗਮ ਦੀ ਖਾਸ ਗੱਲ ਮੁੱਖ ਮਹਿਮਾਨ ਸੰਤ ਸਵਾਮੀ ਨਲਿਨਾਨੰਦ ਗਿਰੀ ਜੀ ਮਹਾਰਾਜ ਦੀ ਹਾਜ਼ਰੀ ਸੀ, ਜੋ ਬੀ.ਡੀ.ਐਸ. ਦੇ ਚੇਅਰਮੈਨ ਸ਼੍ਰੀ ਰਿਸ਼ੂ ਵਾਲੀਆ ਦੇ ਵਿਸ਼ੇਸ਼ ਸੱਦੇ ‘ਤੇ ਅਮਰੀਕਾ ਤੋਂ ਵਿਸ਼ੇਸ਼ ਤੌਰ ‘ਤੇ ਯਾਤਰਾ ‘ਤੇ ਆਏ ਸਨ। ਵ੍ਹਾਈਟ ਹਾਊਸ ਦੁਆਰਾ ਨਿਯੁਕਤ ਮੈਰੀਲੈਂਡ ਵਿੱਚ ਇੱਕ ਪੁਲਿਸ ਚੈਪਲੇਨ ਸਵਾਮੀ ਨਲਿਨਾਨੰਦ ਨੇ ਚਾਰ ਸਾਹਿਬਜ਼ਾਦਿਆਂ ਨੂੰ ਇੱਕ ਪ੍ਰੇਰਣਾਦਾਇਕ ਸ਼ਰਧਾਂਜਲੀ ਦਿੱਤੀ।
ਇਸ ਮੌਕੇ ਤੇ ਬਾਬਾ ਗੁਰਜਨ ਸਿੰਘ, ਪਮੋਦ ਯਾਦਵ, ਸਹਾਇਕ ਵਾਇਸ ਕੌਂਸਲ, ਭਾਰਤੀ ਹਾਈ ਕਮਿਸ਼ਨ ਯੂ.ਕੇ, ਰਿਚਰਡ ਕੋਲ, ਰਟਲੈਂਡ ਲੈਸਟਰਸ਼ਾਇਰ ਯੂਕੇ ਦੇ ਉੱਚ ਸ਼ੈਰਿਫ, ਰੇਸ਼ਮ ਸਿੰਘ ਸੰਧੂ, ਐਮ.ਬੀ.ਈ., ਪੀ.ਬੀ.ਐਸ., ਐਫ.ਆਰ.ਐਸ.ਏ., ਸਿੱਖ ਵੈਲਫੇਅਰ ਐਂਡ ਕਲਚਰਲ ਸੁਸਾਇਟੀ ਯੂ.ਕੇ. ਦੀ ਚੇਅਰ, ਹੇਮੰਤ ਰਾਏ ਭਾਟੀਆ, ਕੌਂਸਲਰ, ਲੈਸਟਰ ਸਿਟੀ, ਉਮੇਸ਼ ਸ਼ਰਮਾ, ਈਲਿੰਗ ਦੇ ਸਾਬਕਾ ਮੇਅਰ ਅਤੇ ਰਾਮ ਮੰਦਰ ਦੇ ਚੇਅਰਮੈਨ, ਸਾਊਥਾਲ, ਲੰਡਨ ਯੂ.ਕੇ., ਰਾਜੇਸ਼ ਪਟੇਲ, ਟਰੱਸਟੀ, ਸ਼੍ਰੀ ਹਨੂੰਮਾਨ ਮੰਦਿਰ, ਸਲੰਗਪੁਰ ਲੈਸਟਰ, ਗੀਤਾ ਭਵਨ ਮੰਦਿਰ ਦੇ ਮੈਂਬਰ ਮੁਕੇਸ਼ ਖੁਰਾਣਾ, ਅਰੁਣ ਠਾਕੁਰ, ਪ੍ਰਧਾਨ, ਨੈਸ਼ਨਲ ਕੌਂਸਲ ਆਫ ਹਿੰਦੂ ਟੈਂਪਲਜ਼ ਯੂ.ਕੇ, ਬਾਬਾ ਸੰਸਾਰ ਸਿੰਘ, ਸ਼੍ਰੀ ਗੁਰੂ ਰਵਿਦਾਸ ਗੁਰਦੁਆਰਾ, ਹੈਰੀਸਨ ਰੋਡ, ਲੈਸਟਰ, ਨਿਰਮਲ ਸਿੰਘ, ਲੱਡੂ ਗੁਰਦੁਆਰਾ ਸ਼੍ਰੀ ਗੁਰੂ ਦਸਮੇਸ਼ ਸਾਹਿਬ, ਜਿਪਸੀ ਲੇਨ, ਲੈਸਟਰ ਅਤੇ ਲੈਸਟਰ ਕਬੱਡੀ ਕਲੱਬ ਦੇ ਚੇਅਰਮੈਨ, ਸ਼ਾਮਿਲ ਸਨ
ਇਸ ਮੌਕੇ ਤੇ ਬੀਡੀਐਸ ਦੇ ਚੇਅਰਮੈਨ ਸ੍ਰੀ ਰਿਸ਼ੂ ਵਾਲੀਆ ਨੇ ਸਾਰੇ ਮਹਿਮਾਨਾਂ ਦਾ ਨਿੱਘਾ ਸਵਾਗਤ ਕੀਤਾ ਅਤੇ ਉਨ੍ਹਾਂ ਦੀ ਹਾਜ਼ਰੀ ਲਈ ਧੰਨਵਾਦ ਕੀਤਾ। ਉਸਨੇ ਯੂਕੇ ਵਿੱਚ ਭਾਰਤੀ ਭਾਈਚਾਰੇ ਨੂੰ ਮਜ਼ਬੂਤ ਕਰਨ ਲਈ 2025 ਵਿੱਚ ਹੋਰ ਸਮਾਜਿਕ ਅਤੇ ਭਾਈਚਾਰਕ-ਕੇਂਦ੍ਰਿਤ ਸਮਾਗਮਾਂ ਲਈ ਯੋਜਨਾਵਾਂ ਦਾ ਵੀ ਐਲਾਨ ਕੀਤਾ। ਬ੍ਰਿਟਸ ਦੇਸੀ ਸੋਸਾਇਟੀ ਦੀ ਕੋਰ ਕਮੇਟੀ ਨੇ ਇਸ ਯਾਦਗਾਰੀ ਸਮਾਗਮ ਨੂੰ ਕਾਮਯਾਬ ਕਰਨ ਵਿੱਚ ਯੋਗਦਾਨ ਪਾਉਣ ਵਾਲੇ ਸਾਰਿਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।
