ਕਪੂਰਥਲਾ, 19 ਜੁਲਾਈ ( ਗੌਰਵ ਮੜੀਆ) – ਸਿਵਲ ਹਸਪਤਾਲ ਕਪੂਰਥਲਾ ਵਿਖੇ ਜੈ ਮਿਲਾਪ ਲੈਬ ਐਸੋਸੀਏਸ਼ਨ ਵੱਲੋਂ ਖੂਨ ਦਾਨ ਕੈਂਪ ਲਗਾਇਆ ਗਿਆ। ਇਸ ਮੋਕੇ ਤੇ ਸਿਵਲ ਸਰਜਨ ਕਪੂਰਥਲਾ ਡਾਕਟਰ ਸੁਰਿੰਦਰਪਾਲ ਕੌਰ, ਇਮਪਰੋਵਮੇੰਟ ਟਰੱਸਟ ਦੇ ਚੇਅਰਮੈਨ ਗੁਰਪਾਲ ਇੰਡੀਅਨ ਮੁੱਖ ਮਹਿਮਾਨ ਵੱਜੋਂ ਹਾਜ਼ਰ ਹੋਏ। ਸਿਵਲ ਸਰਜਨ ਕਪੂਰਥਲਾ ਡਾਕਟਰ ਸੁਰਿੰਦਰਪਾਲ ਕੌਰ ਵੱਲੋਂ ਖੂਨਦਾਨ ਕਰਨ ਵਾਲੇ ਡੋਨਰਜ਼ ਦੀ ਹੌਸਲਾਅਫਜ਼ਾਈ ਕੀਤੀ ਗਈ। ਉਨਾ ਕਿਹਾ ਕਿ ਖੂਨਦਾਨ ਮਹਾਂ ਦਾਨ ਹੈ। ਇਸ ਜ਼ਰੀਏ ਕਿਸੇ ਦੀ ਜਾਨ ਬਚਾਈ ਜਾ ਸਕਦੀ ਹੈ। ਸਿਵਲ ਸਰਜਨ ਡਾਕਟਰ ਸੁਰਿੰਦਰ ਪਾਲ ਕੌਰ ਨੇ ਜੈ ਮਿਲਾਪ ਲੈਬ ਐਸੋਸੀਏਸ਼ਨ ਦੀ ਵੀ ਸ਼ਲਾਘਾ ਕੀਤੀ ਤੇ ਭੱਵਿਖ ਵਿਚ ਵੀ ਓਹਨਾਂ ਕੋਲੋਂ ਸਹਯੋਗ ਦੀ ਅਪੀਲ ਕੀਤੀ। ਜਿਕਰਯੋਗ ਹੈ ਕਿ ਇਸ ਮੋਕੇ 60 ਯੂਨਿਟ ਬਲੱਡ ਇਕੱਤਰ ਹੋਇਆ।
ਸੀਨੀਅਰ ਮੈਡੀਕਲ ਅਫ਼ਸਰ ਡਾਕਟਰ ਸੰਦੀਪ ਧਵਨ ਨੇ ਦਸਿਆ ਕਿ ਖੂਨਦਾਨ ਕਰਨਾ ਸਿਹਤ ਦੇ ਪੱਖ ਤੋਂ ਵੀ ਲਾਹੇਵੰਦ ਹੈ। ਓਹਨਾਂ ਅਪੀਲ ਕੀਤੀ ਕਿ ਐਮਰਜੈਂਸੀ ਦੀ ਸਥਿਤੀ ਵਿਚ ਖੂਨ ਦੀ ਜ਼ਰੂਰਤ ਨਾਲ ਨਿਪਟਣ ਲਈ ਵੱਧ ਤੋਂ ਵੱਧ ਲੋਕਾਂ ਨੂੰ ਖੂਨਦਾਨ ਲਈ ਅੱਗੇ ਆਉਣਾ ਚਾਹੀਦਾ ਹੈ। ਇਸ ਮੋਕੇ ਤੇ ਐਸੋਸੀਏਸ਼ਨ ਦੇ ਜਿਲਾ ਪ੍ਰਧਾਨ ਅਮਨਜੋਤ ਵਾਲੀਆ,ਕੈਸ਼ੀਅਰ ਰਮੇਸ਼ ਲਾਲ, ਕਪੂਰਥਲਾ ਪ੍ਰਧਾਨ ਅਰਜੁਨ ਸਿੰਘ ਵੱਲੋਂ ਉੱਚ ਅਧਿਕਾਰੀਆਂ ਦਾ ਸਨਮਾਨ ਵੀ ਕੀਤਾ ਗਿਆ। ਇਸ ਮੋਕੇ ਜਿਲਾ ਸਿਹਤ ਅਫ਼ਸਰ ਡਾਕਟਰ ਰਾਜੀਵ ਪ੍ਰਾਸ਼ਰ, ਡੀ ਡੀ ਐੱਚ ਓ ਡਾਕਟਰ ਕਪਿਲ ਡੋਗਰਾ, ਬੀਟੀਓ ਡਾਕਟਰ ਸ਼ਿਲਪਾ , ਡਾਕਟਰ ਭਰਮਿੰਦਰ ਬੈਂਸ, ਬੀ ਈ ਈ ਰਵਿੰਦਰ ਜੱਸਲ,ਅਵੀ ਰਾਜਪੂਤ, ਸਟੇਟ ਕੈਸ਼ੀਅਰ ਸੁਰਜੀਤ ਸਿੰਘ ਚੰਦੀ,ਜੀਵਨ ਪ੍ਰਕਾਸ਼ ਵਾਲੀਆ, ਨਰੇਸ਼ ਕਦ,ਕਰਨ ਮਹਾਜਨ ਐਮ ਸੀ ,ਸਚਿਨ ਬਹਿਲ, ਅਸ਼ੋਕ ਕੁਮਾਰ,ਦੇਵ ਰਾਜ, ਅਖਿਲ ਕੌਰ,ਬਲਬੀਰ ਸਿੰਘ ਸੰਦੀਪ ਗੋਂਦ,ਬੇਅੰਤ ਸਿੰਘ,ਅਖਿਲੇਸ਼ ਕੁਮਾਰ,ਰਮਨ ਜੋਸ਼ੀ ਵੀ ਹਾਜ਼ਰ ਸਨ।
