ਕਪੂਰਥਲਾ (ਗੌਰਵ ਮੜੀਆ ) ਅੱਜ ਦੇ ਆਪਣੇ ਰੋਜਾਨਾ ਪ੍ਰੇਅਰ ਲਾਈਵ ਮੋਟੀਵੇਸ਼ਨਲ ਸੈਸ਼ਨ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਵੇਖ ਰਹੇ ਤੇ ਸੁਣ ਰਹੇ ਸਰੋਤਿਆਂ ਨਾਲ ਗੱਲਬਾਤ ਕਰਦਿਆਂ ਦ ਓਪਨ ਡੋਰ ਚਰਚ ਖੋਜੇਵਾਲ ਦੇ ਪਾਸਟਰ ਗੁਰਸ਼ਰਨ ਦਿਓਲ ਜੀ ਨੇ ਕਿਹਾ ਕਿ ਅਕਸਰ ਹੀ ਇਨਸਾਨ ਜਾਣੇ ਅਣਜਾਣੇ ਵਿੱਚ ਗਲਤੀਆਂ ਕਰਦਾ ਰਹਿੰਦਾ ਹੈ। ਅਫਸੋਸ ਇਸ ਗੱਲ ਤੇ ਹੈ ਕਿ ਇਨਸਾਨ ਗਲਤੀਆਂ ਕਰਕੇ ਵੀ ਹਮੇਸ਼ਾ ਆਪਣੇ ਆਪ ਨੂੰ ਠੀਕ ਸਮਝਦਾ ਹੈ ਇਥੋਂ ਤੱਕ ਕਿ ਪਾਪੀ ਮਨੁੱਖ ਪਰਮੇਸ਼ਵਰ ਜੀ ਨੂੰ ਵੀ ਗਲਤ ਹੀ ਸਮਝਦਾ ਹੈ। ਪਰ ਜਦੋਂ ਇਹ ਗਲਤੀਆਂ ਪਾਪ ਬਣ ਜਾਂਦੀਆਂ ਹਨ ਅਤੇ ਉਹੀ ਪਾਪ ਮੁਸੀਬਤਾਂ ਬਣ ਕੇ ਸਾਡੇ ਸਾਹਮਣੇ ਆਉਂਦੀਆਂ ਹਨ। ਫਿਰ ਇਨਸਾਨ ਕੋਲ ਸਵਾਏ ਪਛਤਾਵੇ ਤੋਂ ਹੋਰ ਕੁਝ ਨਹੀਂ ਰਹਿ ਜਾਂਦਾ
ਅਗਰ ਇਸ ਮੁਸੀਬਤਾਂ ਭਰੇ ਜੀਵਨ ਵਿੱਚ ਜੋ ਇਨਸਾਨ ਪ੍ਰਭੂ ਯਿਸੂ ਮਸੀਹ ਜੀ ਨੂੰ ਯਾਦ ਕਰਕੇ ਪਰਮੇਸ਼ਵਰ ਜੀ ਕੋਲੋਂ ਪਸ਼ਚਾਤਾਪ ਕਰਕੇ ਮਾਫੀ ਮੰਗ ਲੈਂਦੇ ਹਨ। ਅਤੇ ਕਾਮ, ਕ੍ਰੋਧ, ਲੋਭ, ਮੋਹ, ਹੰਕਾਰ, ਜੂਠ, ਝੂਠ, ਨਿੰਦਿਆ, ਚੁਗਲੀ ਆਦਿ ਤੋਂ ਤੌਬਾ ਕਰ ਲੈਂਦੇ ਹਨ ਤਾਂ ਉਹਨਾਂ ਦੀ ਜ਼ਿੰਦਗੀ ਆਨੰਦਮਈ ਬਣ ਜਾਂਦੀ ਹੈ ਤਾਂ ਫਿਰ ਇਨਸਾਨ ਹਰ ਵਕਤ ਪਰਮੇਸ਼ਵਰ ਜੀ ਦੇ ਦਿੱਤੇ ਕੰਮਾਂ ਵਿੱਚੋਂ ਬਰਕਤਾਂ ਪਾ ਕੇ ਪਰਮੇਸ਼ਵਰ ਜੀ ਦੇ ਨਾਮ ਨੂੰ ਉੱਚਿਆਂ ਕਰਦਾ ਹੈ। ਇਸ ਕਰਕੇ ਸਾਨੂੰ ਹਮੇਸ਼ਾ ਆਪਣੇ ਰੋਜ਼ ਨੁਮਾਂ ਜੀਵਨ ਵਿੱਚ ਬਹੁਤ ਖਿਆਲ ਰੱਖਣਾ ਚਾਹੀਦਾ ਹੈ ਅਤੇ ਰੋਜ਼ ਆਪਣੀਆਂ ਗਲਤੀਆਂ ਤਿਆਗ ਕੇ ਪਰਮੇਸ਼ਰ ਜੀ ਕੋਲੋਂ ਮਾਫੀ ਮੰਗਦੇ ਰਹਿਣਾ ਚਾਹੀਦਾ ਹੈ। ਅਤੇ ਆਪਣੇ ਖਿਆਲੀ ਉੱਚੇਪਣ ਨੂੰ ਛੱਡ ਕੇ ਹਮੇਸ਼ਾ ਆਪਣੇ ਕੰਮਾਂ ਜਰੀਏ ਆਪਣੇ ਜੀਵਨ ਵਿੱਚ ਪਰਮੇਸ਼ਵਰ ਜੀ ਦਾ ਨਾਮ ਉੱਚਾ ਕਰਦੇ ਰਹਿਣਾ ਚਾਹੀਦਾ ਹੈ।
