ਭਾਜਪਾ ਦੇਸ਼ ਨੂੰ ਪਹਿਲੇ ਨੰਬਰ ਤੇ ਰੱਖ ਕੇ ਕੰਮ ਕਰ ਰਹੀ ਹੈ-ਸਾਂਪਲਾ
ਆਮ ਆਦਮੀ ਪਾਰਟੀ ਦੇ ਰਾਜ ਵਿੱਚ ਜੰਗਲ ਰਾਜ ਚੱਲ ਰਿਹਾ ਹੈ-ਲੋਕੇਸ਼ ਬਾਲੀ
ਫਗਵਾੜਾ/ਕਪੂਰਥਲਾ (ਗੌਰਵ ਮੜੀਆ ) : ਭਾਰਤੀ ਜਨਤਾ ਪਾਰਟੀ ਦਾ 45ਵਾਂ ਸਥਾਪਨਾ ਦਿਵਸ ਸ਼ਨੀਵਾਰ ਨੂੰ ਭਾਜਪਾ ਦੀ ਫਗਵਾੜਾ ਇਕਾਈ ਵੱਲੋਂ ਸਾਬਕਾ ਕੇਂਦਰੀ ਮੰਤਰੀ ਵਿਜੇ ਸਾਂਪਲਾ ਦੀ ਪ੍ਰਧਾਨਗੀ ਹੇਠ ਪੂਰੇ ਉਤਸ਼ਾਹ ਅਤੇ ਉਮੰਗ ਨਾਲ ਮਨਾਇਆ ਗਿਆ।ਇਸ ਮੌਕੇ ਭਾਜਪਾ ਵਰਕਰਾਂ ਨੇ ਭਾਰਤੀ ਜਨਤਾ ਪਾਰਟੀ ਜ਼ਿੰਦਾਬਾਦ ਦੇ ਨਾਅਰੇ ਲਾਏ,ਪਾਰਟੀ ਸੰਸਥਾਪਕਾਂ ਨੂੰ ਯਾਦ ਕੀਤਾ ਅਤੇ ਆਪੋ-ਆਪਣੇ ਘਰਾਂ ਅਤੇ ਦਫਤਰਾਂ ਤੇ ਪਾਰਟੀ ਦੇ ਝੰਡੇ ਲਹਿਰਾਏ।ਇਸ ਮੌਕੇ ਸਾਬਕਾ ਕੇਂਦਰੀ ਮੰਤਰੀ ਵਿਜੇ ਸਾਂਪਲਾ ਨੇ ਪਾਰਟੀ ਦੇ ਸਥਾਪਨਾ ਦਿਵਸ ਤੇ ਵਰਕਰਾਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਭਾਜਪਾ ਰਾਸ਼ਟਰ ਨਿਰਮਾਣ ਦੇ ਮਿਸ਼ਨ ਚ ਲੱਗੀ ਹੋਈ ਹੈ।ਭਾਜਪਾ ਰਾਸ਼ਟਰ ਪਹਿਲਾ ਰੱਖੇ ਕੇ ਕੰਮ ਕਰਦੀ ਹੈ।ਸਾਂਪਲਾ ਨੇ ਕਿਹਾ ਕਿ ਭਾਜਪਾ ਦਾ ਹਰ ਵਰਕਰ ਸਾਡੀ ਤਾਕਤ ਹੈ,
ਜਿਸ ਦੇ ਆਧਾਰ ਤੇ ਅਸੀਂ ਪੂਰੇ ਦੇਸ਼ ਚ ਭਾਜਪਾ ਨੂੰ 400 ਤੋਂ ਵੱਧ ਸੀਟਾਂ ਤੇ ਲੈ ਕੇ ਜਾਣ ਵਾਲੇ ਹਾਂ।ਸਾਂਪਲਾ ਨੇ ਪਾਰਟੀ ਵਰਕਰਾਂ ਸੰਗਠਨ ਦੀ ਤਾਕਤ ਦੱਸਦਿਆਂ ਉਨ੍ਹਾਂ ਦੀਆਂ ਸ਼ੁਭ ਕਾਮਨਾਵਾਂ ਨੂੰ ਪ੍ਰਵਾਨ ਕੀਤੀਆਂ।ਇਸ ਮੌਕੇ ਭਾਜਪਾ ਯੁਵਾ ਮੋਰਚਾ ਦੇ ਜ਼ਿਲ੍ਹਾ ਜਨਰਲ ਸਕੱਤਰ ਲੋਕੇਸ਼ ਬਾਲੀ ਨੇ ਕਿਹਾ ਕਿ ਸੰਸਦ ਦੀਆਂ ਦੋ ਸੀਟਾਂ ਨਾਲ ਆਪਣਾ ਸਫ਼ਰ ਸ਼ੁਰੂ ਕਰਨ ਵਾਲੀ ਭਾਜਪਾ ਇਸ ਵਾਰ 400 ਦਾ ਅੰਕੜਾ ਪਾਰ ਕਰੇਗੀ।ਬਾਲੀ ਨੇ ਕਿਹਾ ਕਿ ਭਾਜਪਾ ਦੁਨੀਆ ਦੀ ਸਭ ਤੋਂ ਵੱਡੀ ਸਿਆਸੀ ਪਾਰਟੀ ਹੈ ਅਤੇ ਸਾਨੂੰ ਇਸ ਦੇ ਮੈਂਬਰ ਹੋਣ ਤੇ ਮਾਣ ਹੈ।ਅੱਜ ਪਾਰਟੀ ਦੇ ਮੈਂਬਰਾਂ ਦਾ ਡਿਜੀਟਲੀਕਰਨ ਹੋ ਰਿਹਾ ਹੈ।ਤੁਸੀਂ ਦੇਸ਼ ਵਿੱਚ ਜਿੱਥੇ ਵੀ ਹੋ,ਤੁਹਾਡੀ ਰਜਿਸਟ੍ਰੇਸ਼ਨ ਹੁਣ ਆਨਲਾਈਨ ਹੋ ਗਈ ਹੈ।ਭਾਜਪਾ ਦੀ ਵਿਚਾਰਧਾਰਾ ਦੇ ਵਰਕਰਾਂ ਦੀ ਗਿਣਤੀ ਹਰ ਦਿਨ ਵੱਧ ਰਹੀ ਹੈ।
ਉਨ੍ਹਾਂ ਵਰਕਰਾਂ ਨੂੰ ਕਿਹਾ ਕਿ ਸੂਬੇ ਵਿੱਚ ਆਮ ਆਦਮੀ ਪਾਰਟੀ ਦੇ ਰਾਜ ਵਿੱਚ ਜੰਗਲ ਰਾਜ ਚੱਲ ਰਿਹਾ ਹੈ।ਹਰ ਵਰਗ ਪ੍ਰੇਸ਼ਾਨ ਹੈ।ਬਾਲੀ ਨੇ ਕਿਹਾ ਕਿ ਅੱਜ ਭਾਜਪਾ ਭਾਰਤ ਦੀ ਸਭ ਤੋਂ ਵੱਡੀ ਅਤੇ ਪ੍ਰਭਾਵਸ਼ਾਲੀ ਸਿਆਸੀ ਪਾਰਟੀ ਹੈ।ਅੱਜ ਆਪਣੇ ਆਪ ਵਿੱਚ ਪਾਰਟੀ ਮਾਣ ਨਾਲ ਦਾਅਵਾ ਕਰਦੀ ਹੈ ਕਿ ਮੈਂਬਰਸ਼ਿਪ ਦੇ ਮਾਮਲੇ ਵਿੱਚ ਇਹ ਦੁਨੀਆਂ ਦੀ ਸਭ ਤੋਂ ਵੱਡੀ ਸਿਆਸੀ ਪਾਰਟੀ ਹੈ।ਸਾਨੂੰ ਭਾਜਪਾ ਦੀ ਕੇਂਦਰ ਸਰਕਾਰ ਦੀਆਂ ਲੋਕ ਭਲਾਈ ਨੀਤੀਆਂ ਨੂੰ ਘਰ-ਘਰ ਤੱਕ ਪਹੁੰਚਣਾ ਹੈ।ਇਸ ਮੌਕੇ ਤੇਜਸਵੀ ਭਾਰਦਵਾਜ,ਪੰਕਜ ਚਾਵਲਾ,ਬਲਵਿੰਦਰ ਠਾਕੁਰ, ਓਮਪ੍ਰਕਾਸ਼ ਬਿੱਟੂ,ਗੁਰਦੀਪ ਦੀਪਾ,ਅਸ਼ੋਕ ਦੁੱਗਲ, ਕਮਲ ਕਪੂਰ, ਪ੍ਰਮੋਦ ਮਿਸ਼ਰਾ, ਮਿਤੁਲ ਸੁਧੀਰ,ਰਾਜ ਕੁਮਾਰ ਰਾਣਾ,ਜਤਿਨ ਵੋਹਰਾ,ਅਨਿਰੁਧ ਕੁਮਰਾ, ਲੋਕੇਸ਼ ਬਾਲੀ,ਸ਼ੁਕਲਾ ਰਾਏ,ਅਭੀ,ਰੋਹਿਤ ਜੱਸੜ, ਅੰਜੂ ਖੁਰਾਣਾ,ਸੀਮਾ ਰਾਣਾ,ਚੰਦਾ ਮਿਸ਼ਰਾ,ਸੀਮਾ ਚੱਡਾ ਆਦਿ ਹਾਜ਼ਰ ਸਨ।
