ਕਪੂਰਥਲਾ(ਗੌਰਵ ਮੜੀਆ )ਭਾਜਪਾ ਆਪਣੇ ਪੂਰੇ ਜੋਸ਼ ਚ ਹੈ,ਚਾਹੇ 44 ਸਾਲ ਦੀ ਭਾਜਪਾ ਆਪਣੀ ਉਮਰ ਦੇਖੇ ਜਾਂ ਦੇਸ਼ ਚ ਆਪਣੀ ਹੋਂਦ ਨੂੰ ਦੇਖੇ ਪਰ ਜਦੋਂ ਪਾਰਟੀ ਦਾ ਕੈਰੀਅਰ ਸ਼ੁਰੂ ਹੋਇਆ ਸੀ ਤਾਂ ਕਿਸੇ ਨੇ ਸੋਚਿਆ ਵੀ ਨਹੀਂ ਹੋਵੇਗਾ ਕਿ ਇਕ ਦਿਨ ਭਾਜਪਾ ਨੂੰ ਦੇਸ਼ ਵਿੱਚ ਲੋਕਾਂ ਦੀ ਭਾਰੀ ਬਹੁਮਤ ਮਿਲੇਗੀ,ਪਰ ਨਰਿੰਦਰ ਮੋਦੀ ਦੇ ਨਾਮ ਨੇ ਇਹ ਸਭ ਕਰ ਕੇ ਦਿਖਾਇਆ ਹੈ। ਭਾਜਪਾ ਨੇ ਨਾ ਸਿਰਫ਼ ਦੇਸ਼ ਵਿੱਚ ਸਪੱਸ਼ਟ ਬਹੁਮਤ ਵਾਲੀ ਸਰਕਾਰ ਬਣਾਈ ਸਗੋਂ ਦੇਸ਼ ਦੀ ਸਭ ਤੋਂ ਵੱਡੀ ਪਾਰਟੀ ਵਜੋਂ ਵੀ ਉਭਰੀ।ਇਸ ਫੈਕਟਰ ਨੂੰ ਪਾਰ ਕਰਨ ਦਾ ਗਣਿਤ ਕਾਂਗਰਸ ਦੇ ਹੱਥ ਵਿੱਚ ਵੀ ਨਹੀਂ ਦਿਖਾਈ ਦੇ ਰਿਹਾ।ਸ਼ਨੀਵਾਰ ਨੂੰ ਵਿਰਾਸਤੀ ਸ਼ਹਿਰ ਵਿੱਚ ਭਾਜਪਾ ਵਰਕਰਾਂ ਨੇ 44ਵਾਂ ਸਥਾਪਨਾ ਦਿਵਸ ਬੜੀ ਹੀ ਧੂਮਧਾਮ ਨਾਲ ਮਨਾਇਆ।
ਸ਼ਨੀਵਾਰ ਨੂੰ ਭਾਜਪਾ ਐਸਸੀ ਮੋਰਚਾ ਮੰਡਲ 2 ਦੇ ਪ੍ਰਧਾਨ ਗੌਰਵ ਨਾਹਰ ਵੱਲੋਂ ਮੁਹੱਲਾ ਸ਼ਹਿਰੀਆ ਵਿੱਚ ਖੋਲ੍ਹੇ ਗਏ ਨਵੇਂ ਦਫਤਰ ਦਾ ਉਦਘਾਟਨ ਕਰਨ ਤੋਂ ਬਾਅਦ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਰਣਜੀਤ ਸਿੰਘ ਖੋਜੇਵਾਲ ਨੇ ਦੀਪ ਜਗਾ ਕੇ ਭਾਰਤ ਮਾਤਾ,ਸ਼ਿਆਮਾ ਪ੍ਰਸਾਦ ਮੁਖਰਜੀ ਅਤੇ ਪੰਡਿਤ ਦੀਨ ਦਿਆਲ ਉਪਾਧਿਆਏ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕਰਦਿਆਂ ਭਾਜਪਾ ਵਰਕਰਾਂ ਨੂੰ ਰਾਸ਼ਟਰ ਦੀ ਏਕਤਾ ਅਤੇ ਅਖੰਡਤਾ ਲਈ ਸਹਿਯੋਗ ਜਾਰੀ ਰੱਖਣ ਲਈ ਪ੍ਰਣ ਦਿਵਾਇਆ।ਇਸ ਮੌਕੇ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਰਣਜੀਤ ਸਿੰਘ ਖੋਜੇਵਾਲ ਨੇ ਕਿਹਾ ਕਿ ਭਾਜਪਾ ਆਪਣਾ 44ਵਾਂ ਸਥਾਪਨਾ ਦਿਵਸ ਮਨਾ ਰਹੀ ਹੈ ਜੋ ਅੱਜ ਦੁਨੀਆ ਦੀ ਸਭ ਤੋਂ ਵੱਡੀ ਸਿਆਸੀ ਪਾਰਟੀ ਹੈ।ਇਸ ਅਹੁਦੇ ਤੱਕ ਪਹੁੰਚਣ ਲਈ ਪਾਰਟੀ ਨੂੰ ਬਹੁਤ ਸਾਰੀਆਂ ਮੁਸ਼ਕਿਲਾਂ ਅਤੇ ਰੁਕਾਵਟਾਂ ਨੂੰ ਪਾਰ ਕਰਨਾ ਪਿਆ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਿਚ ਭਾਜਪਾ ਵਿਚ ਹੋਰ ਮਜਬੂਤ ਹੋ ਰਹੀ ਹੈ।
ਖੋਜੇਵਾਲ ਨੇ ਕਿਹਾ ਕਿ ਭਾਜਪਾ ਇੱਕ ਅਨੁਸ਼ਾਸਿਤ ਅਤੇ ਸੰਗਠਿਤ ਅਤੇ ਰਾਸ਼ਟਰ ਚਿੰਤਨ ਦੀ ਸੋਚ ਰੱਖਣ ਵਾਲਾ ਰਾਜਨੀਤਿਕ ਸੰਗਠਨ ਹੈ। ਇਹ ਸੰਗਠਨ ਆਪਣੀ ਸਕਾਰਾਤਮਕ ਸੋਚ ਸਦਕਾ ਹੀ ਭਾਰਤ ਅਤੇ 18 ਸੂਬਿਆਂ ਵਿੱਚ ਸੱਤਾ ਵਿੱਚ ਹੈ।ਇਸ ਮੌਕੇ ਐਡਵੋਕੇਟ ਹੈਰੀ ਸ਼ਰਮਾ,ਵਿੱਕੀ ਗੁਜਰਾਲ, ਅਸ਼ਵਨੀ ਤੁਲੀ,ਜਗਦੀਸ਼ ਸ਼ਰਮਾ,ਅਸ਼ੋਕ ਮਾਹਲਾ, ਕਮਲ ਪ੍ਰਭਾਕਰ,ਰਾਕੇਸ਼ ਗੁਪਤਾ,ਅਨਿਲ ਵਾਲੀਆ, ਮਹਿੰਦਰ ਸਿੰਘ ਬਲੇਰ,ਸੰਨੀ ਬੈਂਸ,ਲੱਕੀ ਸਰਪੰਚ, ਗੌਰਵ ਨਾਹਰ,ਰਾਜਨ ਠੀਗੀ,ਨਰੇਸ਼ ਸੇਠੀ,ਅਸ਼ੀਸ਼ ਮਹਿਤਾ,ਰਵਿੰਦਰ ਸ਼ਰਮਾ,ਸੁਨੀਲ ਸ਼ਰਮਾ,ਅਸ਼ਵਨੀ ਭੋਲਾ,ਭਗਤ ਜੀ,ਸੁਸ਼ੀਲ ਭੱਲਾ,ਸ਼ਮਾ,ਬਲਵੀਰ ਚੰਦ, ਅਸ਼ੋਕ ਕੁਮਾਰ,ਧਰਮਿੰਦਰ ਸਿੰਘ,ਸ਼ਿੰਦਰ ਪਾਲ ਆਦਿ ਹਾਜ਼ਰ ਸਨ।
