ਕਪੂਰਥਲਾ (ਗੌਰਵ ਮੜੀਆ )ਕਪੂਰਥਲਾ ਦੇ ਪਟੇਲ ਨਗਰ ਵਿੱਚ ਵੈਦਿਕ ਸਤਿਸੰਗ ਪਰਿਵਾਰ ਭਲਾਈ ਪ੍ਰਬੰਧਕ ਕਮੇਟੀ ਵੱਲੋਂ ਦਿਵਯ ਜਯੋਤੀ ਜਾਗ੍ਰਿਤੀ ਸੰਸਥਾਨ ਦੁਆਰਾ ਭਗਵਾਨ ਸ਼੍ਰੀ ਰਾਮ ਨੂੰ ਸਮਰਪਿਤ ਅਧਿਆਤਮਿਕ ਪ੍ਰਵਚਨ ਅਤੇ ਭਜਨ ਸੰਕੀਰਤਨ ਦਾ ਪ੍ਰੋਗਰਾਮ ਕਰਵਾਇਆ ਗਿਆ। ਸ਼੍ਰੀ ਆਸ਼ੂਤੋਸ਼ ਮਹਾਰਾਜ ਜੀ ਦੀ ਸ਼ਿਸ਼ ਸਾਧਵੀ ਜਯੰਤੀ ਭਾਰਤੀ ਜੀ ਨੇ ਕਿਹਾ ਕਿ ਸ਼੍ਰੀ ਰਾਮ ਭਾਰਤੀਆਂ ਦੇ ਜੀਵਨ ਪ੍ਰਾਣ ਹਨ। ਰਾਮ ਹਰ ਇਨਸਾਨ ਦੇ ਮਨ ਵਿੱਚ ਹਨ, ਮਰਯਾਦਾ, ਰਾਜ ਧਰਮ, ਅਤੇ ਪੁਤਰ ਧਰਮ ਦੀ ਅਜਿਹੀ ਮਿਸਾਲ ਦੁਨੀਆਂ ਵਿੱਚ ਕਿਧਰੇ ਨਹੀਂ ਮਿਲੇਗੀ। .ਧਰਮ ਅਤੇ ਨੀਤੀ ਦਾ ਸੁਮੇਲ ਹੈ, ਸ਼੍ਰੀ ਰਾਮ। ਸ਼੍ਰੀ ਰਾਮ ਨੂੰ ਜਾਣ ਕੇ ਹੀ ਅਸੀਂ ਉਨ੍ਹਾਂ ਦਾ ਆਦਰਸ਼ ਜੀਵਨ ਬਤੀਤ ਕਰ ਸਕਾਂਗੇ।
ਉਨ੍ਹਾਂ ਤੱਕ ਪਹੁੰਚਣ ਦਾ ਮਾਰਗ ਸਦਾ ਤੋਂ ਹੀ ਹਨੂੰਮਾਨ ਜੀ ਜੈਸੇ ਸੰਤ ਰਹੇ ਹਨ। ਸੰਤਾ ਦੀ ਸੰਗਤਿ ਨੂੰ ਪ੍ਰਾਪਤ ਕਰ ਕੇ ਜਿਵੇਂ ਮਾਤਾ ਸ਼ਬਰੀ ਨੇ ਉਨ੍ਹਾਂ ਨੂੰ ਪ੍ਰਾਪਤ ਕੀਤਾ। ਪਰ ਅੱਜ ਉਹਨਾਂ ਹੀ ਸ਼੍ਰੀ ਰਾਮ ਦੇ ਭਗਤ ਅੱਜ ਪਾਪ, ਬੇਇਨਸਾਫੀ ਅਤੇ ਭ੍ਰਿਸ਼ਟਾਚਾਰ ਦੀ ਦਲਦਲ ਵਿੱਚ ਇੰਨੇ ਧਸ ਚੁੱਕੇ ਹਨ ਕਿ ਸ਼੍ਰੀ ਰਾਮ ਦਾ ਨਾਂ ਕੇਵਲ ਸ਼ਬਦਾਂ ਵਿੱਚ ਹੀ ਰਹਿ ਗਿਆ ਹੈ।ਅੱਜ ਲੋੜ ਹੈ ਮਨੁੱਖਤਾ ਵਿੱਚ ਭਗਵਾਨ ਰਾਮ ਦੇ ਉਹੀ ਜੀਵਨ ਆਦਰਸ਼ ਫਿਰ ਤੋਂ ਸਥਾਪਿਤ ਕਰਨ ਦੀ। ਸ਼੍ਰੀ ਆਸ਼ੂਤੋਸ਼ ਮਹਾਰਾਜ ਜੀ ਮਾਨਵ ਮਨਾਂ ਦੇ ਅੰਦਰ ਇੱਕ ਵਾਰ ਫਿਰ ਰਾਮ ਰਾਜ ਦੀ ਸਥਾਪਨਾ ਲਈ ਬ੍ਰਹਮਗਿਆਨ ਪ੍ਰਦਾਨ ਕਰ ਕੇ ਜੀਵਨ ਜਿਉਣ ਦਾ ਮਾਰਗ ਦਿਖਾ ਰਹੇ ਹਨ।
ਇਨ੍ਹਾਂ ਪ੍ਰੇਰਨਾਦਾਇਕ ਵਿਚਾਰਾਂ ਦੇ ਨਾਲ-ਨਾਲ ਹੋਰ ਸਾਧਵੀ ਭੈਣਾਂ ਦੇ ਸੁਰੀਲੇ ਕੰਠਾ ਰਾਹੀਂ ਸੁੰਦਰ ਭਜਨ ਗਾ ਕੇ ਸਮਾਂ ਬੰਨ ਲਿਆ ਗਿਆ।
ਇਸ ਧਾਰਮਿਕ ਸਮਾਗਮ ਦੌਰਾਨ ਅਚਾਰੀਆ ਦੇਵ ਰਾਜ, ਧਰਮ ਚੰਦ ਸ਼ਰਮਾ ਜੀ, ਇੰਦਰਜੀਤ ਪਸਰੀਚਾ ਜੀ, ਪ੍ਰਧਾਨ ਧਰਮਪਾਲ ਉੱਪਲ, ਸ਼੍ਰੀ ਮਦਨ ਲਾਲ ਤੁਲੀ, ਤ੍ਰਿਅੰਬਲ ਮੋਹਨ ਬਾਲੀ, ਓਮਕਾਰ ਸਿੰਘ, ਡਾ.ਰਣਵੀਰ ਕੌਸ਼ਲ, ਸ਼੍ਰੀ ਸ਼ਿਆਮ ਸੁੰਦਰ ਅਗਰਵਾਲ, ਸ. ਰਣਜੀਤ ਸਿੰਘ ਖੋਜੇਵਾਲ, ਸ਼੍ਰੀ ਸੁਖਜਿੰਦਰ ਸਿੰਘ ਜੀ ਆਦਿ ਹਾਜਰ ਸਨ।
