ਕਪੂਰਥਲਾ(ਗੌਰਵ ਮੜੀਆ )ਸਿਆਸੀ ਧੁੰਦ ਵਿਚ ਭਾਜਪਾ ਇੰਨੀ ਨਿਰਾਸ਼ ਹੈ ਕਿ ਸੱਤਾ ਖੁੱਸਣ ਦੇ ਡਰੋਂ ਬੇਸ਼ਰਮੀ ਨਾਲ ਕਿਸੇ ਨਾ ਕਿਸੇ ਤਰ੍ਹਾਂ ਸੱਤਾ ਤੇ ਆਪਣਾ ਦਬਦਬਾ ਕਾਇਮ ਕਰਨ ਦੀ ਗੈਰ-ਜਮਹੂਰੀ ਚਾਲ ਚੱਲ ਰਹੀ ਹੈ।ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਆਮ ਆਦਮੀ ਪਾਰਟੀ ਕਿਸਾਨ ਵਿੰਗ ਦੇ ਜ਼ਿਲ੍ਹਾ ਪ੍ਰਧਾਨ ਗੁਰਬਿੰਦਰ ਸਿੰਘ ਸਾਹੀ ਨੇ ਕੇਂਦਰ ਦੀ ਮੋਦੀ ਸਰਕਾਰ ਤੇ ਘਰੇਲੂ ਅਤੇ ਵਿਦੇਸ਼ੀ ਖੇਤਰ ਚ ਲਗਾਤਾਰ ਕਮਜ਼ੋਰ ਕਾਰਗੁਜ਼ਾਰੀ ਨੂੰ ਲੈ ਕੇ ਹਮਲਾ ਬੋਲਦਿਆਂ ਕੀਤਾ।ਸਾਹੀ ਨੇ ਕਿਹਾ ਕਿ ਮੋਦੀ ਸਰਕਾਰ ਦੀ ਆਰਥਿਕਤਾ ਅਤੇ ਵਿਦੇਸ਼ ਅਤੇ ਰੱਖਿਆ ਨੀਤੀ ਚ ਵੀ ਕਮਜ਼ੋਰ ਇੱਛਾ ਸ਼ਕਤੀ ਦੇ ਚਲਦਿਆਂ ਦੇਸ਼ ਦੀ ਭਰੋਸੇਯੋਗਤਾ ਤੇ ਹਰ ਪਾਸਿਓਂ ਹਮਲੇ ਹੋ ਰਹੇ ਹਨ।
ਭਾਜਪਾ ਤਾਨਾਸ਼ਾਹੀ ਦੀਆਂ ਸਿਖਰਾਂ ਤੇ ਪਹੁੰਚ ਚੁੱਕੀ ਹੈ।ਉਨ੍ਹਾਂ ਕਿਹਾ ਕਿ ਚੀਨ ਪਹਿਲਾਂ ਤੋਂ ਹੀ ਮੋਦੀ ਸਰਕਾਰ ਦੀ ਕਮਜ਼ੋਰੀ ਦਾ ਫਾਇਦਾ ਉਠਾਉਂਦੇ ਹੋਏ ਇੱਕ ਵੱਡੇ ਭਾਰਤੀਯ ਸਰਹੱਦੀ ਭੂ-ਭਾਗ ਖੇਤਰ ਤੇ ਕਬਜ਼ਾ ਕਰ ਲਿਆ ਹੈ।ਸਰਕਾਰ ਚੀਨ ਨੂੰ ਢੁੱਕਵਾਂ ਜਵਾਬ ਦੇਣ ਚ ਅਸਫਲ ਰਹੀ ਹੈ।ਜਿਸ ਕਾਰਨ ਹੁਣ ਚੀਨ ਭਾਰਤ ਦੇ ਅਨਿੱਖੜਵੇਂ ਅੰਗ ਅਰੁਣਾਚਲ ਤੇ ਆਪਣਾ ਦਾਅਵਾ ਠੋਕਣ ਦੀ ਹਿੰਮਤ ਕਰ ਰਿਹਾ ਹੈ।ਬੀਜੇਪੀ ਇਸ ਸਮੇ ਸੱਤਾ ਖੋਣ ਦੇ ਡਰ ਤੋਂ ਲੋਕਤੰਤਰ ਵਿਚ ਤਾਨਾਸ਼ਾਹੀ ਦੇ ਸਿਖਰ ਤੇ ਆ ਪਹੁੰਚੀ ਹੈ।ਉਨ੍ਹਾਂ ਕਿਹਾ ਕਿ ਚੋਣ ਬਾਂਡ ਬਾਰੇ ਭਾਜਪਾ ਦੀ ਅਸਲੀਅਤ ਦੇਸ਼ ਦੇ ਲੋਕਾਂ ਦੇ ਸਾਹਮਣੇ ਆ ਚੁੱਕੀ ਹੈ।ਹੁਣ ਜਦਕਿ ਇਹ ਸਭ ਨੂੰ ਪਤਾ ਲੱਗ ਗਿਆ ਹੈ ਕਿ ਭਾਜਪਾ ਨੇ ਦੇਸ਼ ਦੇ ਸਰਮਾਏਦਾਰਾਂ ਨੂੰ ਏਜੰਸੀ ਦਾ ਡਰ ਦਿਖਾ ਕੇ ਵੱਡਾ ਘਪਲਾ ਕੀਤਾ ਹੈ
ਉਹ ਹੁਣ ਲੋਕ ਸਭਾ ਚੋਣਾਂ ਮੌਕੇ ਸੰਵਿਧਾਨਕ ਅਹੁਦਿਆਂ ਤੇ ਕਾਬਜ਼ ਆਪਣੇ ਸਿਆਸੀ ਵਿਰੋਧੀਆਂ ਵਿਰੁੱਧ ਗੈਰ-ਜਮਹੂਰੀ ਕਾਰਵਾਈ ਕਰ ਰਹੀ ਹੈ।ਸਾਹੀ ਨੇ ਕਿਹਾ ਕਿ ਇਤਿਹਾਸ ਵਿੱਚ ਪਹਿਲੀ ਵਾਰ ਅਜਿਹਾ ਹੋਇਆ ਹੈ, ਜਦੋਂ ਪੰਦਰਾਂ ਦਿਨਾਂ ਦੇ ਅੰਦਰ ਦੋ-ਦੋ ਮੁੱਖ ਮੰਤਰੀ ਸਿਰਫ਼ ਸਿਆਸੀਵਾਦਲੇ ਦੇ ਨਾਲ ਕੇਂਦਰ ਵਿਚ ਬੈਠੀ ਭਾਜਪਾ ਚੋਣ ਚੰਦੇ ਦੇ ਗੁੰਡਾ ਟੈਕਸ ਤੋਂ ਧਿਆਨ ਹਟਾਉਣ ਲਈ ਉਹ ਲੋਕਤੰਤਰ ਨੂੰ ਦਬਾਉਣ ਦੀ ਕਾਰਵਾਈ ਕਰਨ ਤੇ ਤੁਲੇ ਹੋਏ ਹਨ।ਉਨ੍ਹਾਂ ਕਿਹਾ ਕਿ ਦਿੱਲੀ ਦੇ ਮੁੱਖ ਮੰਤਰੀ ਕੇਜਰੀਵਾਲ ਵਿਰੁੱਧ ਈਡੀ ਦੀ ਕਾਰਵਾਈ ਉਦੋਂ ਹੋਈ ਹੈ ਜਦੋਂ ਲੋਕ ਸਭਾ ਚੋਣਾਂ ਚ ਆਪ ਇੰਡੀਆ ਗਠਜੋੜ ਦੀ ਭਾਈਵਾਲ ਬਣ ਗਈ ਸੀ।ਉਨ੍ਹਾਂ ਕਿਹਾ ਕਿ ਭਾਜਪਾ ਦਾ ਕਿਸਾਨਾਂ ਦੇ ਸਸ਼ਕਤੀਕਰਨ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।ਜਦੋਂ ਤੋਂ ਭਾਜਪਾ ਸੱਤਾ ਚ ਆਈ ਹੈ ਉਸਦਾ ਫੋਕਸ ਰਿਹਾ ਹੈ।ਉਹ ਰਾਜਨੀਤੀ ਦਾ ਕੇਂਦਰੀਕਰਨ,ਸੱਤਾ ਦਾ ਕੇਂਦਰੀਕਰਨ ਚਾਹੁੰਦੇ ਹਨ,ਚਾਹੇ ਉਹ ਆਰਥਿਕ ਜਾਂ ਸਮਾਜਿਕ ਹੋਵੇ।ਇਸ ਨਾਤੇ ਅਰਥਵਿਵਸਥਾ ਵਿੱਚ ਇੱਕ ਸੂਤਰੀਕਰਨ ਵੱਲ ਵਧ ਰਹੇ ਹਾਂ।
ਯਾਨੀ ਕਿ ਸੰਗਠਿਤ ਖੇਤਰਾਂ ਨੂੰ ਪ੍ਰਫੁੱਲਤ ਕਰਨਾ ਹੈ।ਦੇਸ਼ ਆਰਥਿਕ ਸੰਕਟ ਵਿੱਚੋਂ ਲੰਘ ਰਿਹਾ ਹੈ।ਲੋਕਾਂ ਕੋਲ ਆਪਣੇ ਬੱਚਿਆਂ ਦੀ ਸਕੂਲ ਫੀਸ ਭਰਨ ਲਈ ਵੀ ਪੈਸੇ ਨਹੀਂ ਹਨ।ਕਿਸਾਨਾਂ ਨੂੰ ਅਦਾਇਗੀਆਂ ਜੋ ਸਮੇਂ ਸਿਰ ਹੋਣੀਆਂ ਚਾਹੀਦੀਆਂ ਸਨ,ਨਹੀਂ ਕੀਤੀਆਂ ਜਾ ਰਹੀਆਂ।ਬਿਜਲੀ ਦਾ ਬਿੱਲ ਵੀ ਨਹੀਂ ਭਰ ਪਾ ਰਹੇ। ਪਰ ਜੇਕਰ ਅਸੀਂ ਸਟਾਕ ਮਾਰਕੀਟ ਤੇ ਨਜ਼ਰ ਮਾਰੀਏ ਤਾਂ ਨਵੀਆਂ ਉਚਾਈਆਂ,ਹੁਣ ਤੱਕ ਸਭ ਤੋਂ ਉੱਚੀ ਸਥਿਤੀ ਵਿਚ ਸ਼ੇਅਰ ਬਾਜ਼ਾਰ ਛਾਲ ਮਾਰ ਰਿਹਾ ਹੈ।ਅਜਿਹਾ ਇਸ ਲਈ ਹੈ ਕਿਉਂਕਿ ਉਸ ਰਸਮੀ ਖੇਤਰ ਵਿੱਚ ਦੇਸ਼ ਦੇ ਲਗਭਗ 200 ਤੋਂ 250 ਅਜਿਹੇ ਕਾਰਪੋਰੇਟ ਘਰਾਣੇ ਹਨ।ਅਤੇ ਉਹਨਾਂ ਵਿਚੋਂ ਸਿਰਫ 4 ਜਾਂ 5 ਮੁੱਖ ਖਿਡਾਰੀ ਹਨ, ਜਿਨ੍ਹਾਂ ਨੂੰ ਭਾਜਪਾ ਦੇ ਸੱਤਾ ਵਿਚ ਆਉਣ ਤੋਂ ਬਾਅਦ ਸਭ ਤੋਂ ਵੱਧ ਫਾਇਦਾ ਹੋਇਆ ਹੈ।ਇਹ ਉਹ ਲੋਕ ਹਨ ਜੋ ਇਸ ਸਰਕਾਰ ਨੂੰ ਚਲਾ ਰਹੇ ਹਨ।
